Haizea dator…

Azaroaren 21ean (18:30), “Haizea dator…” bertso saioan parte hartuko dute Josu Txoperena, Ganiz Zapirain, Aitor De Bosque, Hodei Lekuona, Ainhize Urkia eta Johane Larre bertsulariek. Gai emaileak Eneko Aizpurua eta Hegoi Alberdi izanen dira. Hitzordua Enbata gaztetxean emana da.

Euskararen urtaroa

Hona hemen Hendaian iraganen diren jarduerak:

Azaroaren 21ean, Borderline Fabrikan (17:30) denentzako pailazo tailerra, 8 urtetik goiti (Imanol Espinazo). Taloak prestatzeko tailerra (20:00).

Azaroaren 22an, Gaztelu Aretoan (14:30) euskarazko diktaketa, Maddi Ane Txoperena idazlearen parte hartzearekin, ondotik Kantuz Kantu eta zintzur-bustitzea.

Azaroaren 28an, Mediatekan (18:30), literatur-topaketa Ekaitz Bergaretxerekin, “Masusta Erreximenta” liburuaren inguruan.

Azaroaren 29an, Hiri-barnean eta Borderline Fabrikan, soinu-ibilaldiak “Zortzigarren Eskualdea” (17:30-19:00). Ondotik, pintxo pote eta Dortoka irratsaio berezia.