Pilota – Berrikitan iragan dira Irisarriko bi lehiaketen finalak. Denak ongi iragan dira, bai herriko plazan baita Irisarriko Herria trinketean. So egileek preziatu dituzte partiden ondoko denboraldi goxoak.

Huna plazako esku-huskako finalen berri:

Hirugarren mailan: Hugo Lagarde - Xan Errotabehere 30 / Frantxoa Jaureguy - Beñat Urruty28

Bigarren mailan: Olivier Duhart - Mikael Poutçou Hourcade 30 / Andoni Darrioumerlou - Betti Errotabehere 26

Lehen mailan: Julien Etchegaray - Gratien Camino 30 / Jon Mollon - Thomas Luro 24

Frontball-eko finala:

Louna Jaureguy - Maia Muscarditz 15/15

Audrey Franchisteguy - Maia Etchebehere 08/08.

Hemen trinketeko palantxako emaitzen berri:

Hirugarren mailan: Mathieu Gastanchoa - Gilen Agergaray 40 / Maia Muscarditz - Marina Essaim 25

Bigarren mailan: Antton eta Xabi Etchenique 40 / Antton Garateix - Benjamin Erasun 35

Lehen mailan: Beñat Ourthiague - Anthony Garay 40 / Thomas Gachen (René Muscarditz) - Iban Eyherabide 23.

Azpimarratuko dugu Maia Muscarditzek, frontball-ean irabazi ondotik, trinketean segitu duela eta René Muscarditz aitak, Thomas Gachen kolpatuaren lekukoa hartu duela.

Eskubaloia –Gizonetan: Nazional 2 mailan, Irisartarrak taldeak galdu du Pouzauges-en, 41-25. Erregional mailan, bigarren taldeak berdinketa egin du Villenaverekin, 28-28.

Nesketan: Nazional 3 mailan, Kanbo/Irisarrik galdu du Kostaldea taldearen kontra, 25-29, bigarren taldeak berriz, irabazi Nafarroarren kontra 38-23. Erregional mailan, hemezortzi urtez petikakoek irabazi dute Tyrosseko taldearen kontra, 59-29.

Heldu den aste hondarreko partidak

Gizonetan: Nazional 2 mailan, Irisartarrak ariko dira larunbatean L’Union-en (19:00).

Erregional mailan, bigarren taldea ariko da Noustyn, igandean (16:00). Erregional mailan, hamazazpi urtez petikakoak ere Noustyn ariko dira igandean (14:00).

Nesketan: Nazional 2 mailan, Kanbo/Irisarri joanen da Merignac-era igandean (14:00). Bigarren taldea Kanbon ariko da Denguin/Buros-en kontra larunbatean (20:30). Erregional mailan, hemezortzi urtez petikakoak ariko dira Urrunan, larunbatean (17:00).