Ezpeletako herriak Armand David-en mendeurrena ospatzen du, urriaren 7tik 11ra, karia horretara ekitaldi kulturalak antolatuak izanen dira.

Urriaren 7an, asteazkena (18:00), jauregian Armand David-i buruzko erakusketa estreinatua izanen da, “Armand David Lagunak” elkarteko kideek aurkeztuko dutena. Sartzea urririk.

Urriaren 9an, ostirala (17:30), Kanboko L’Aiglon zinema gelan Armand David-i buruzko filmaren aitzin-estreinaldia. Ezpeleta eta Sichuaneko Baoxing herrien artean den lotura ezagutzeko parada izanen da. Filmaren egileek parte hartuko dute. Saioa urririk da, baina aitzinetik izena eman behar da lesamisdarmanddavid@gmail.com helbidera, lekuak mugatuak dira.

Urriaren 10ean, larunbata (11:30), Armand David-ek panda aurkitu zuen 150 urteak oroitzen duen monumentuaren aitzinean, jauregiaren gibelean, Txinako ordezkariekin Davidia involucrata zuhaitzaren landatze sinbolikoa. Arratsean (20:30), Patronage gelan, Korrontziren “Mundua Dantzan” ikusgarria, Ezpela dantza taldearen parte-hartzearekin. Sartzea HelloAssoren bidez salgai (20€) “Les Amis d’Armand David” sarean, kasu lekuak mugatuak dira.

Urriaren 11n, igandea (10:30) Armand David-en omenezko meza.