Aste urdina

Urte guziz bezala CCAS herriko ekintza sozialen zentroak antolatzen du aste urdina urriaren 5etik 9ra, belaunaldi desberdinen lokarriak azkartzeko eta bermatzeko. Aurtengo egitarauan huna zer izanen den. Astelehena 5: (10:00/11:00) helduen gimnasia tailerra Bilgunen, Osasuna elkarteak animaturik; (15:30/17:00) Andaula erretira etxean mutxikoak eta kantuak Ur Begi eta Uztaritzen kantuz elkarteekin. Asteartea 6: (9:30/11:30) Bizkarsoro filmaren emanaldia Lapurdi gelan, Herri Soinu laguntzaile eta Xan Errotabehere debatearen animatzaile; (14:00/15:30) Loto gaitza Eliza Hegin. Asteazkena 7: (9:00/10:00) Oihanean ibilaldia, abiatzea Hardoiko bidean den orientazio mahaitik, Osasuna elkartearekin; (14:30/16:30) “Gormanta” krakada Heraitzekoop elkartean. Osteguna 8: (10:00/11:30) Haltya jauregiaren parkearen bisita Borde jaun-andreek gidaturik; (15:30/17:00) informatika tailerra Lapurdi gelan San Josepe lizeoko ikasleekin; (15:30/17:00) Uztaritzen ibilaldi historikoa Marie Christine Amestoyk animaturik, abiatzea Andaula parkean eta ondotik krakada partekatua Herriko Etxean. Ostirala 9: (14:30/15:15) mutxikoak Eliza Hegin; (19:00/2030) “Hautagaia” antzerkia euskaraz Lapurdi gelan (5 euro). Aktibitateetarako izenak eman aitzinetik irailaren 25eko berantenaz CCAS zentroari. Nekez dabiltzanentzat garraioa posible izanen da, izenak emanez geroz. Ekitaldi guziak urririk dira antzerkia ezik. Aste urdin on deneri!

Etorkinekin Diakite

Etorkinekin Diakite eta Boubamed (Uztaritzeko adarrak) elkarteek egun oso bat antolatzen dute Uztaritzen larunbat huntan 3an, beste herri batzuetan 4 egunez iragan den “Mugarik gabe” festibalaren segida. Egitaraua honela da: Lapurdi gelan harrera eta kafea (9:00); “Imigrazioaz” mintzaldia François Heranekin (9:30/11:00); “Europar paktuaren desafioa”;mintzaldia Europar bi deputaturekin: Pernando Barrena eta Damien Carême (11:00/12:30); Batzokian bazkaria prezio librean (12:30). Bazkal ondoan Bilgunen hiru mahai inguru segidan: (14:00/15:30) lehena “Euskal Herria harrera herria” Damien Carême, Mathieu Horn eta Boubakar Dioufekin; bigarrena (15:30/17:00) “Migratu bizitzeko ez hiltzeko” lemarekin, Alarmphone sareko militante batzuekin; (17:30/18:30) azkena “Kanariaketan emigrazioaren desafio eta errealitatea” lemarekin, Laeticia Marthe, Pablo Toledo Pinto eta Lorenzo Caglioni animatzaile; (18:30) egunaren bukaera aperitifarekin. Mintzaldi eta mahai inguruak urririk dira. Ongi etorri hoberena segurtatua da.

Hegalak

Hegalak elkartea duela hiru urte sortu zen Uztaritzen, Jean Claude Saint-Jean duela lehendakari. Elkartearen helburua da elbarritueri kirolaren praktikatzeko parada emaitea, bakotxa bere kirolean laguntzaileekin eta baldintza hoberenetan. Horrentzat bolondres laguntzaileak bilatzen ditu. Helburu horrentzat antolatzen du heldu den igande huntan “Elkartasunezko hegalak” deitu ibilaldia, 5 kilometrokoa martxa moldean eta ere lasterkaldi moldean. Ibilaldia, Etxeparea zelaitik abiaturik Heraitzeko ingurua egitea da eta berriz zelaira heltzea. Martxa, elbarritu batzuek lagundirik parte hartuko dutela, 10:00etan abiatuko da, lasterkaldia aldiz 10:30etan. Galdegina da diru laguntza bat eskaintzea nahi duten guzieri. Ekitaldia deneri idekia da.

Erakusketa

“Haltya ondarea eta kultura” elkarteak antolatzen du urriaren 2tik 5era margo erakusketa bat

jauregian berean. Hiru emazteki dira beren obrak ikusgai emanen dituztenak: Solange Verrichon, Nicole Ibarre eta Gwuenaelle Sarratea. Bisitak 4 egunetan egin daitezke (10:00/19:00).