Nafarroako Gobernuak torturaren beste zazpi biktima aitortu dituela jakinarazi dute Egiari Zor fundazioak eta Nafarroako Torturatuen Sareak. Espainiako segurtasun indarren tortura kasu hauek 34 urteko epea hartzen dute, frankismo hondarretik 2008raino. Aitortza eta Erreparazio Batzordeak aztertu ditu zazpi kasuak, eta giza eskubideen urraketen biktima gisa aitortu dituzte.

Lehena Javier Agirrebengoa da. Guardia Zibilak torturatu zuen, 1974an eta 1978an. Jesusa Lezaun ere frankismoko Brigada Politiko Sozialak eta Guardia Zibilak torturatu zuten. Agustin Areta, Espainiako Poliziaren biktima izan zen, 1983an. Josu Mujika Ezkerra, berriz, Guardia Zibilak torturatu zuen 1982an. Enrique Garin eta Iker Gomez Valencia Guardia Zibilak torturatu zituen, lehena 1992an eta bigarrena 1998an. Azkenik, 2008an Iruñerrian gertatu sarekada batean, Fernando Grande-Marlaska egungo barne ministroaren aginduz Gorka Sueskun arrastatu zuen Espainiako Poliziak, eta inkomunikazio aldian torturatua...

Donostiako Zinemaldiaren 74. edizioaren karietara, Euskal Zinemaren Gala iragan da irailaren 22an. Jose Ramon Soroizek eskuratu du Zinemira saria, Distira saria Aitziber Garmendiak, gidoilari hoberenarena Alauda Ruiz de Azuak, Euskadi Filmategia saria Ana Diezek, eta EITB saria Alberto Gastesik.

Halaber, aipamena merezi du “Txakun txakür”, Elsa Oliarkj-Ines zuberotarrak aurkeztu duen filmak. Obra honek ikastolako haur talde baten jarraipena egiten du, 3 urte zituztenetik 11 urte arte. Haurrek jostalekuan dituzten jarrerak agerian ezarri nahi izan ditu zinemagileak, erakutsiz badirela liderrak, jarraitzaileak, baztertuak edo behatzaileak. 68 minutuko dokumentala osatzeko, zortzi urtez filmatu ditu Añeta, Elaia, Luija, Lüka, Kattina, Eloisa eta Sohütako Eperra ikastolako bertze hainbat haurren harat-honatak.

Zinemaldia joan den larunbatean bururatu da, sari banaketarekin. “Tender loving care” Mike Leigh britaniar zuzendariaren filmak eskuratu du Urrezko...

Irailaren 24an egin da Nafarroako Parlamentuko politika orokorreko eztabaida eta Maria Txibite presidenteak Gobernuak legealdi honetan sustatu dituen proiektuak eta hartu neurriak oroitarazi ditu. Ondotik, gobernuaren lehentasunak eta xedeak zehaztu ditu. Ildo horretan, azpimarratu du egungo gobernuak zerbitzu publikoak indartu nahi dituela, eskuineko “olatu erreakzionarioaren” aldean.

Presidentearen arabera, Nafarroako Gobernuaren lan ildo nagusiak etxebizitza, prezioen emendatzeak jendeen baitan duen eragina, osasungintza eta bizikidetza izanen dira. Bere mintzaldian, ekonomiari leku handia eman dio Txibitek. Herrialdea “hazkunde betean” dela adierazi du, eta bi iragarpen nagusi egin ditu: “asmo handiko zerga proposamen bat” eta 600 milioi euroko plan bat, azpiegituretan inbertitzeko.

Zerga proposamenaren helburua familien erosahalmena zaintzea izanen da. Inbertsio planari dagokionez, xehetasunetan sartu gabe, erran du aurtengo aurrekontu proiektuaren...

Gure Esku mugimenduak euskal herritarrak dantzara deitzen ditu urriaren 25ean. Helburutzat “nazio sena biziberritzea” harturik, Zazpi jauziz herri bat herri-ekimen bateratua antolatu du. Hau Euskal Herriko zazpi hiriburuetan iraganen da, denetan tenore berean.

Ekimena aurkezteko egin duen agerraldian, Irati Alvarez Gure Eskuren bozeramaileak XXI. mendeak berekin dakartzan desafioak aipatu ditu: “klima aldaketa, migrazio dinamikak, adimen artifiziala, geopolitikaren gorabeherak”. Gainera, azpimarratu du horiek guziak “diskurtso erreakzionarioak indartzen” ari diren mementoan gertatzen ari direla.

Egoera honen aitzinean, ezinbestekoa zaio Euskal Herriko “lurraldeen arteko kohesioa indartzea eta burujabetza tresnak eskuratzea”. Urriaren 25ean herri-ekimenak kohesio hori eta “etorkizunerako jauzia irudikatzeko” helburua izanen du, eta oraingoan dantzaren bidez egitea proposatzen du Gure Eskuk, “elkarrekin eta komunitatea eginez”.

Badu bi urte EAEko udaletako langileak Eudel Euskal Udalen Elkartearekin lan baldintzak finkatu behar dituen hitzarmena negoziatzen ari direla. Horretarako sortua izan den Udalhitzeko negoziaketa mahaia bildu da irailaren 25ean, baina ELA eta LAB sindikatuak ez dira satisfos atera bilkura horretarik, eta langileak grebara deitu dituzte urriaren 8rako.

ELAk dioenez, aitzineko bilkuran Eudel engaiatu zen oinarrizko gaiei buruz proposamen berri bat aurkezteko, baina joan den asteko biltzarrean ez du bere hitza bete. Oinarrizko gai horiek soldaten emendatzea eta administrazioaren euskalduntzea dira, bertzeak bertze.

Sindikatuaren ustez, langileek erosteko ahalmenaren apaltze handia jasan dute. Euskarari dagokionez, ez da administrazioaren euskalduntzean aitzinamendurik izan, ez eta langileei hizkuntza ikastea errazteko urratsik eman ere. Halaber, ez da neurri berririk hartu erretreten gaian eta lantaldeak berritzeko politiketan.

LAB sindikatuak ELAren ohar berak egin...

Iparraldean Euskoa den bezala, Hegoaldean ere euskal moneta izanen da laster, “Heko” izenekoa. Oarsoaldean eta Baztanen hasiko dira erabiltzen Eguberri inguruan, eta geroago Hego Euskal Herri osora zabaltzeko xedea dute ekimena plantan ezarri dutenek.

Heko bakoitzak euro baten balioa izanen du eta moneta horren bidez pagatzeko hiru molde izanen dira: 1, 2, 5, 10, 20 eta 50 Heko-ko billeteak; Hekopay aplikazioaren bidez; QR bat duen txartela.