Heriotze

Christianne Bidartek 86 urte egin beharrak zituen. Betrezinainean sortua, 7 haurridetarik gazteena zen. Gazterik hegaldatu zen, Urrunan bost urtez eskola emaile eta bost urtez Saliesen mutualitate sozial asurantzetan. Ondotik eskolak egin eta, Angelun erizain liberal egon zen erretreta hartu arte. Emazte goxo baten oroitzapena utzi du eta euskaltzalea zen. Familiako hilobian ehortzia izan da. Dolumin bizienak familia guziari.

F. J

Gexan Alfarok ehorzketa egunean kantatu zizkion hiru bertsoak.

Kristiane Bidarten omenez

Kristiane Bidart lagun maitea

Bai eta adiskidea

Oraintxe bertan hartua dugu

Berri ezin sinetsia!

Zure hil berria jakin dugu

Horra bai ustegabea!

Zure inguruan gaude denak

Bihotza minez betea! (bis)

Jakin dugunez, bezperan Bankan

Hantxet Petrizinainean

Izana zinen familiako

Besta guziz ederrean.

Han, guziekin mintzatu ere

Iduri azken agurrean...

Etxeratu eta betirako

Pausatu zira ohean.

Zure bizitzan izana zira

Erizain paregabea!

Gogoz ernea eta urrezko

Bihotza baten jabea!

Ezagutu zaituzten guziek

Ama baten begitartea

Ikusia zuten zure baitan

Laguntza isilez betea! (bis)



Ez adiorik, ikus artio Kristiane!

Gexan Alfaro