Teleton

Jakin berri dugu urriaren 17an, larunbat huntan berean beraz, iraganen dela Teleton ekitaldia, arratsaldez. Huna egitaraua: (14:00) petanka zoingehiagoka, edantegia orduz geroztik idekia izanen da; (18:00) pilota partida; (18:30-21:00) burger fritak 13€: aitzinetik behar dira haatik manatu, urriaren 15eko berantenaz: Amaia 06-15-80-11-60 edo Natali 06-25-31-81-62.

Elizaren garbiketa

Parropiako taldeak dei berezi bat zabaltzen du, hemendik aitzina ere elizaren garbiketa segurtatzeko. Elizak jendea askotan elkarretaratzen du: meza, bataio, ezkontza, ehorzketak, omenaldi, kontzertu... Ondorioz, bertze edozein bizitokiren gisan, noizean behin artatua etagarbitua izatearen beharra badu. Lan horren betetzea, parropianten errespontsabilitatea da. Gaur arte, borondate oneko jende batzuek segurtatu dute zerbitzu hori. Haatik, horietarik askok, jadanik anitz emanik, ezin dute gehiago lan hori bete, adinean joanki. Hara zergatik dei berezi bat egina den orori, horien segida hartzeko. Elizaren garbiketa handi bat behar-beharrezkoa da Omiasaindu aitzin, ahalaz urriaren 19tik 24rainoko astean egiteko. Hortarako, borondate onekoek deitu dezatela zenbaki hauetarik batera, urriaren 17rako berantenaz: 05-59-37-72-92 (Mayi) edo 05-59-37-75-66 (Dominique).