Lehengo Garruzeren biltzar nagusia

Lehengo Garruze elkarteak bere urteko biltzar nagusia urriaren 15ean, ostegunez, eginen du Apezetxea herriko gelan (15:00). Noël Chobigarat lehendakariak eta Margitta Mathieu idazkariak, 2025/2026ko aktibitateak eta kontuak aurkeztuko dituzte baita ondoko urteko proiektuak. Elkartearen bulegoa arraberritua izanen da. Bestalde, gai desberdinak eztabaidatzen ahalko dira. Ondareaz, historiaz eta kulturaz interesatuak diren guziek parte hartzen ahal dute, ongi etorri beroena egina izanen zaie.

Burgaintziren 50 urteak urriaren 24/25ean Donapaleun Airetik gelan

Burgaintzi dantza taldeak bere 50 urteak ospatzeko, belaunaldien arteko ikuskizun handi bat aurkeztuko digu urriaren 24an, ibiakoitzez (20:30) eta 25ean, igandez (17:00), Donapaleuko Airetik gelan. Plaza gainean, 7 eta 77 urte arteko 250 partaide inguru bilduko dira. Horien artean, 150 bat kide ohik deialdiari erantzun dute, eta ikuskizun horretan parte hartzera itzuliko dira. Koreografia, doinu eta kantuen bidez, ikusgarriak, Burgaintziren historia kontatzen du eta ospatzen, hastapenetik elkarteak animatzen duen helburuarekin: euskal kulturaren transmititzea belaunaldiz belaunaldi. Emozio handiko memento bat seguraski! Txartelak, bakarrik HelloAsso webgunean salgai dira, “Burgaintzi dantzan bizi” tituluarekin.