Herriz Herri - Angelu (L) | 2026ko Urriaren 15a

144 herritar auzo-kontseilu berrietan, Endarrako ikasleak biodibertsitatea lantzen eta Hegoas eta Schorsch munduko txapeldun

Boluntario_%20ikasle%20eta%20irakasle%20taldeak_%20nahastuta_%20baratze%20bat_%20putzu%20bat_%20eremu%20lehor%20bat_%20oilategi%20bat%20eta%20lorategi%20partekatu%20bat%20antolatu%20ditu.%20(Elkargoa) — Boluntario, ikasle eta irakasle taldeak, nahastuta, baratze bat, putzu bat, eremu lehor bat, oilategi bat eta lorategi partekatu bat antolatu ditu. (Elkargoa)

144 herritar auzo-kontseilu berrietan

Auzo-kontseiluetako ordezkari berriak izendatu dituzte. Orotara, 144 herritar ariko dira heldu diren hiru urteetan: 96 zozketaz hautatuak eta 48 auzapezak izendatuak. Herria zortzi eremutan banatu dute, eta kontseilu bakoitzak 18 herritar eta hautetsi erreferente bat bilduko ditu.

Endarrako ikasleak biodibertsitatea lantzen

Endarra kolegioak natura ikasteko gune bihurtu ditu bere kanpoko eremuak. Bio Divers Cité elkartearen laguntzarekin, ikasle eta irakasleek baratzea, fruitu-arbolak, urmaela eta oilategia antolatu dituzte hektarea bat baino gehiagotan. Quintaouko auzokideek ere parte hartzen dute baratze partekatuan. Landaketak, konposta eta lurraren zaintza eginez, ikasleek gelako irakaspenak praktikan ezartzen dituzte.

Hegoas eta Schorsch munduko txapeldun

Angelun jokatutako IBSA bodysurf zirkuituaren munduko finaletan, Uhaïna-Kailani Hegoas eta Niels Schorsch nagusitu dira. Hegoasek azken segundoetako olatu bati esker lortu du garaipena, 2024an Hawaiin irabazitako tituluari bertze bat gehituz. Gizonezkoetan, Ruben Cambas bigarren gelditu da.

Arrosatik harago

Irati Esparza Guimon

Urrian, arrosa agertzen da gure herrietako afixetan, erakusleihoetan eta kirol hitzorduetan. Ipar Euskal Herrian ere, bularreko minbiziaren inguruan elkartzeko eta solastatzeko parada eskaintzen du hilabete honek. Ikusten diren keinu horien gibelean, ordea, badira gutiago ikusten diren bizipenak: azterketa baten emaitzaren beha egotea, diagnostiko bat entzutea, hurbileko bati nola erran ez jakitea. Arrosak badu indarra, bizipen horiei tokia egiten badie.

Emazte gazte gisa, kanpaina horri begiratzean, galdera bat heldu zait: zer toki ematen diogu gure osasunari eguneroko bizian? Lana, familia, eginbeharrak, bertzeen beharrak... Geure buruari entzutea geroko uztea erraza da. Ez dugu, halere, kezka hori emazteen ardura pertsonal hutsera mugatu behar. Informazioa ulergarria izatea, galderak egiteko konfiantza ukaitea eta artarako bidea aurkitzea ere kolektiboki bermatu beharrekoak dira.

Horretan, hurbiltasunak badu garrantzia....

Irakurri segida

Gurekin harremanetan sar