Kontzertu

Bokaleko Herriko Etxeak elkartasun kontzertu bat antolatu du urriaren 17an, Bokaleko elizan, Joseph Saint-André karrikako 13. zenbakian, Girondan eta Landetan izandako suteek kaltetu pertsonen alde (17:00). Nahia Robles Aranguizek eta Lauhaizetara abesbatza mistoak parte hartuko dute emanaldian. Sartzea prezio librean izanen da, eta bildutako diru guzia kaltetuei emanen zaie.

Herritarrek kultur eskaintzaz iritzia ematen ahal dute

Bokaleko Herriko Etxeak sareko galdeketa anonimo bat abiatu du, herritarrek kultur arloan dituzten nahiak eta beharrak ezagutzeko. Antzerkia, musika, artea edota ondarea: bakoitzak bere ikuspegia partekatzen ahal du, ondoko urteetako kultur eskaintza prestatzen laguntzeko. Galdeketa herriko webgunean eskuragarri da, boucau.fr helbidean.

Boukleta lasterketa

Bokaleko ikastolak Boukleta kirol hitzorduaren lehen edizioa antolatuko du azaroaren 8an, Piquessaryn. Familian eta giro goxoan elkartzeko eguna izanen da, 10 kilometroko mendi lasterketa, ibilaldia eta haurrentzako lasterketa proposatuz. Edatekoa, dutxak eta jateko aukera izanen dira bertan. Izen-emateak pb-organisation.com/evenements/boukleta/helbidean egin daitezke. Xehetasun gehiagorako: Alexis, 06-73-46-06-93 edo boukleta64@gmail.com.