Berrikusketak

Adinak gauza guttitan laguntzen du eta zailago bilakatzen diren egitateetan bada autoaren gidatzea. Lege berriak ikasteko eta zaharrak oroitarazteko Herriko Sozial Zentroak berrikusketa saioak antolatzen ditu preseski adin dutenentzat: urriaren 20 eta 27an bai eta ere azaroaren 3 eta 10ean, Elgar zentroan. Izena eman behar da 05-59-70-29-07 zenbakia deituz.

Urri urdina

Toki askotan zernahi gertakari apailatuak dira bularreko minbiziaren kontrako informazioa pasatzeko eta orokorki ikerketaren laguntzeko. Hazparnen ere Jauzika eta Erneak elkarteek ikusgarri berezi bat eskainiko dute, urriaren 16an (19:00), eliza saihetseko Ezkia plazan. Zunba, gimnastika eta Chearleding izanen dira ikusgai. Irabaziak Haur Eri batasunarentzat joanen dira. Honek eri diren haurrak eta haien familiak laguntzen ditu.

Euskal Zinemaz mintzo

Eihartzea elkarteak Zinegin festibalaren karietara ekitaldi berezi bat proposatzen du Euskal Zinema deitu liburuaren aipatzeko. Liburu honek bi idazle ditu:

Josu Martinez: EHU-ko Ikus Entzunezko Komunikazioa eta Publizitate saileko irakaslea eta NOR ikerketa taldeko kidea da. Zinemagile ere da.

Samara Velte: EHU-ko Ikus Entzunezko Komunikazioa eta Publizitate saileko irakaslea, Gizartea, Politika eta Kulturan doktorea eta NOR ikerketa taldeko kidea.

Haien obra zuzenean aipatuko dute eta solasaldia izanen da ere ondotik. Et'abar ostatu liburu-dendan, urriaren 17an (18:00).

Kontzertua kaperan

Urriaren 17an larunbatean (20:30) Aéolia eta Le Thabor koruek Martin Palmeri konpositorearen Misa Tango emanen dute. Eliza kantuak dira Argentinako tango doinuan emanak. Sartzea 15€tan da.