Bi sortze

Plazerekin jakin dugu, bi sortze izan direla berriki herrian, Harrietan, Telma, lehen haurra sortu da, Xantxo Hauscarriague eta Leire Bidart familian. Ondotik, Agerrebeherean, Luken jin da mundurat, lehen haurra ere, Iban Darrieumerlou eta Laida Camus familian. Goresmenak aita-ameri, aitatxi-amatxieri, eta desiratzen diegu bizi luze urosa sortu berriei.

Bi heriotze

Felix Mendy, Larrenbordakoa, zendu da, 83 urtetan, eritasun luze baten ondotik. Hiru haurren aita, laborantzan egin du bere bizi guzia. Dolumin bizienak, bururaino segitu duen, Jeanne emazteari, eta familia guziari. Joan den asteartean iragan dira ehorzketak Irisarriko elizan.

Jeannot Noblia, Argiakoa, zendu da 90 urtetan. Hori ere hiru haurren aita, baina bere emaztea gazterik galdua zuen. Frango ahuldurik, Iholdiko Goxa-Lekun sartua zen berriki. Ez ontsa izanez, Donapaleuko ospitalerat eramana zuten eta han pausatu da. Aljeriako gerlan parte hartu zuen eta herriko ACPG-CATM lehendakaria zen. Pilotaria izana, segitzen zituen harat-honatak, kirol gehientsuenak maite zituen, Irisarriko eskubaloia segituz ere hurbiletik. Bere ofizioa zurgintza zuen eta frango ezagutua zen Irisarriko inguruetan. Azken momenturaino petankan arizan da, erran behar da atrebitua zela joko horretan ere. Joan den ostiralean iragan dira ehorzketak Irisarriko elizan. Dolumin bizienak bere haur eta familia guziari.

Eskubaloia

Gizonetan, Frantziako koparen kondu, Irisartarrek galdu dute Atharratzen.Erregional mailako txapelgoaren kondu, irisartarrek irabazi dute Burgosen, 25-35. Hirugarren taldeak ere irabazi du Lasseuberen kontra, 37-26. Erregional mailan, 17 urtez petikakoek galdu dute Kostaldea taldearen kontra, 35-24.

Nesketan, Nazional 3 mailan, Kanbo/Irisarrik irabazi du Bordeleren kontra, 28-20.Bigarren taldeak galdu du Lons taldearen kontra, 30-31.

Heldu den larunbateko partidak

Gizonetan, Nazional 2 mailan, Irisartarrak taldeak ASPOM Bègles errezebituko du (19:00).

Erregional mailan, bigarren taldeak Eysines errezebituko du (21:00).Hirugarren taldea Urruñara joanen da (21:00).Erregional mailan, 17 urtez petikakoak Andernosera joanen dira igandean (16:00).

Nesketan, Nazional 3 mailan, Kanbo/Irisarri ariko da Mont de Marsant-en (21:00). Bigarren taldea ariko da Gan-en (21:00).Erregional mailan, 18 urtez petikakoek ariko dira Irisarrin, Buros/Nousty taldearen kontra (17:00).