Iñaki Kijera, Donostian - Donostiako Udalak plaka bat ezarri du joan den larunbatean Iñaki Kijeraren omenez, Parte Zaharreko Kanpandegi karrikan. Espainiako polizia baten tiroak hil zuen Iñaki, 18 urteko gaztea, 1979ko irailaren 1ean, euskal preso eta iheslarien aldeko manifestaldi batean parte hartzen ari zelarik. Ekitaldian parte hartu dute Kijeraren ahaideek, Jon Insausti auzapezak eta udal-ordezkariek. Insaustiren hitzetan, larunbatekoa “ahalegin bat gehiago” izan da Donostiak dituen “zauriak” hesteko: “Ez dira norbanakoen edo senideen zauriak; kolektiboak dira, eta uste dut denoi dagokigula horiek gogora ekartzea”. Donostiako Udala duela bi agintaldi hasi zen indarkeria politikoaren biktimak oroitarazteko plakak ezartzen. Orain arte, 39 plaka ezarri dituzte. Horietarik 30 ETAren biktimak dira, 3 Komando Autonomoenak, 4 poliziarenak eta bana DRIL eta Batallon Vasco Españolenak.

Jenaro Garcia-Andoain, Bilbon - ETAk hil...

Imanol Pradales Eusko Jaurlaritzako lehendakariak Jauzia Gara ekimenaren ardatz nagusiak aurkeztu zituen azaroaren 4an, Barakaldoko BECen. Estrategia honen helburua izanen da euskararen erabilpena sustatzea aisialdian, kirolean, hezkuntzan, lan munduan, ingurune digitalean eta etorkinen artean ere.

Aisialdia eta kirola - Aisialdi eta kirol sailean, “euskarazko aisialdiaren mapa bat” plantan ezarriko du Jaurlaritzak, “dauden aukerak eta gabeziak identifikatzeko”. Halaber, Plazara programa ibiltaria sustatuko du udaletan. Gainera, ekimen berriak garatuko ditu kirol klubetan euskararen presentzia indartzeko. 14 eta 16 urte arteko gazteen artean euskararen irakaskuntza indartzeko programa berezia eskainiko du Jauzia Gara ekimenak.

Lan mundua - “Lanera” programak sektore eta enpresa bakoitzaren beharretara egokituak izanen diren aholkularitza eta baliabideak eskainiko ditu, eta ere, sare bat sortuko du, euskara eguneroko jarduera...

“Urruneko eltzea urrez, hurbildu eta lurrez”, dio erran zaharrak. Euskal herritarrek xantza dugu, urrezko eltzea -edo hobeki erraiteko, urrezko parrila- gure lurretan baitugu, Bizkaian kokatua den Atxondoko Etxebarria erretegiak munduko jatetxe hoberenaren saria eskuratu ondoan World’s 50 Best Restaurants lehiaketan. Hots, munduko 50 jatetxe hoberenen zerrenda ospetsuan lehen sailkatu dute Bittor Arginzoniz sukaldariak gidatzen duen erretegia. Sari ematea Liman egin da, Peruko hiriburuan.

Nafarroako Gobernuak eta EH Bilduk fiskalitateari buruzko zenbait neurri adostu dituzte azaroaren 6an, eta egun berean onartu dute lege proiektua, gobernu kontseilu berezi batean. Neurri hauek erretretei eta etxebizitzari dagozkie.

Hitzarmen honi esker, erretretadunei 1.190 euroko xahar-paga bermatua izanen zaie, urtean 14 ordainsaritan.

Etxebizitzaren sailean, EH Bilduk adierazi du “etxebizitza eztabaida fiskalaren erdigunean ezartzea” erdietsi duela. Koalizio subiranistaren arabera, Ogasunak ezin ditu berdin zergapetu “etxebizitza bat bizitzeko erosten duen herritarra eta etxebizitzak espekulatzeko erosten dituena”.

Halaber, ondare eskualdaketen gaineko zerga berrituko dute, ohiko etxebizitza eskuratzeko bidea errexteko eta espekulazioari trabak ezartzeko. Horretarako, oraingo %6ko tasa bakarra ezeztatzeko xedea dute. Proposamenaren arabera, beren egoitza izateko etxebizitza erosten dutenei tasa apalduko zaie, etxebizitzak metatzen dituztenen kasuan,...

Lizarraldeko herritarrek manifestaldia egin dute azaroaren 7an, “Lizarraldea ez dago salgai” lelopean, beren “bizimodua mehatxatzen” duten makroproiektuak salatzeko.

Proiektu horien artean daude, bertzeak bertze, Sorabian, Lizarraldean eta bertze 31 herritan egiten ari diren zundaketak, kogenbre-meatzeak instalatzeko; Lana Haranetik Legardaraino, Lizarraldea zeharkatu eta Aralar mendilerroa okupatuz, hidrogenoa eta helioa bilatzeko egiten dituzten azterketak; Arroniz, Sesma, Viana, Andosilla eta Los Arcosen biometano-makroplantak eraikitzeko mehatxua; Dicastillo edo Eneriz bezalako etxalde erraldoiak.

Egitasmo horien gibelean enpresa eta finantza-erakunde handiak daudela ohartarazi dute protestaren antolatzaileek. Halaber, erakundeak ere seinalatu dituzte, “isilik egoteagatik eta proiektuei buruzko informazioa ezkutatzeagatik”. Azkenik, proiektu horiek guziak geldiarazteko borrokan jarraituko dutela jakinarazi dute.