Herriz Herri | 2025eko Irailaren 11a

Hitzaldia

Irailaren 18an (15:00), Beñat Zintzo-Garmendiaren mintzaldia iraganen da “Euskal Herriaren historia Frantziako Iraultzatik gaur egun arte” gaiaren inguruan. Bideo proiekzio batez lagundua izanen da. Hitzordua Les Jardins d'Arcadie erresidentzian emana da. Frantsesez izanen da eta urririk.

Herriz Herri | 2025eko Irailaren 11a

Hitzaldia

Irailaren 19an (19:00), Roger Idiart, euskaltzale eta sortzailearen inguruko hitzaldia iraganen da, parte hartzaileak Jean Bordaxar, Jean-Fabien Lechardoy eta Kantiruki taldea izanen direla. Euskaltzaindiak antolaturik, aldibereko itzulpena segurtatua izanen da. Sartzea urririk.

Herriz Herri | 2025eko Irailaren 11a

Sartzea - Irulegiko arnoaren besta - Kontzertu - Pilota

Sartzea

Sartzea biziki ongi joan da gure herriko hiru ikastetxeetan. Denak kontent, haur kopuru emendaketa izan baita guzietan:

Bai Ikastolan, 60 haur dituzte aurten, heldu da jaz baino 7 gehiago.

Donostei kolegio pribatuan 82 ikasle, joan den urtean baino 10 gehiago.

Jean Pujo ikastegi publikoan 88 haur, jaz baino 4 gehiago.

Irulegiko arnoaren besta

Irailaren 14an iragaitekoa da (igandea)...

Herriz Herri | 2025eko Irailaren 11a

Kontseilu Sozialistaren okupazioa

Irailaren 3an, duela 6 urte ilunpean egon den Baionako Atalante zinemaren ateak berriz ideki ditu Ipar Euskal Herriko Kontseilu Sozialistak. Herritarrentzat espazio anitza bihurtzeko asmoz ideki bada ere, zinema zahar hunen etorkizuna ez da bermatua. Kolektiboko kideak gaur egun modu ilegalean okupatzen ari dira. Zinema zahar hunen paretetan, banderola bat zabaldua izan da: “Ongi etorri, Baionako gune berrira”. Mugimendu sozialista gisa, Ipar Euskal Herriko Kontseilu Sozialistari...

Herriz Herri | 2025eko Irailaren 11a

Heriotze

Joan den hilabetean ukan ditugu bi heriotze aste bat barne. Lehena, Hualde Pierre, 72 urte egin beharrak zituen. Baigorriko xahar etxean zen, aspaldiko urtetan ezindua. Ttipittoineko semea zen. Bigarrena, Ansolabehere Marcel, 81. urtean zendu da. Goilkoineko semea zen, laborantzan eta artzaintzan ereman zuen bere bizia. Dolumin beroenak eskaintzen dizkiegu bi familietako ahaideei eta beren lagun guziei.

Herriz Herri | 2025eko Irailaren 11a

Herriko bestetako bilana

Aurtengo herriko pestak bukatuak dira, eta bilan baikorra egiten dute komiteko kideek. Izan ere, jende anitz bildu zen lehen gaueko afarian, agorrilaren 14an, eta egon zen ondoko dantzaldian.

Biharamunean, eliza betea zen meza eder batentzat, Akamarreko klikari esker, eta kantuak luzaz segitu zuen elizatik kanpo, platanoen itzalean Bardozen Kantuz-ekin.

Arratsaldean, bero handien ondorioz, pilota partidak, dantza ikusgarria eta fandango txapelketa pixka bat deskalatuak izan...