Herriz Herri | 2025eko Urtarrilaren 16a

Zine-ikuskizuna

Urtarrilaren 19an igandearekin (17:00), "Zetaren bideetako musika hariak" Ibantutaren zine ikuskizuna ikusten ahalko da Biltokin. Musika kolaborazioak eta etnomusikologia uztartzen dituen proiektua, album, ikuskizun eta Zetaren bideetan filmatutako bideo proiekzioak ikusiko dira. Euskaraz izanen da frantsesezko azpitituluekin. Tokiak 5 euro kostako du prezio apalean, 10 euro helduentzat. Erreserbak Herriko Etxea deituz egin behar dira: 05-59-54-66-89.

Herriz Herri | 2025eko Urtarrilaren 16a

Dantza ekitaldia

Urtarrilaren 19an igandearekin, dantza tailerra antolatua izanen da Haitz Ondoan gelan (10:00) eta ondotik dantzaldia Alkarkide txarangarekin (11:00). Urririk izanen da. Xehetasunentzat: leinua@gmail.comala 07-87-43-62-96.

Herriz Herri | 2025eko Urtarrilaren 16a

Bi heriotze - Gaztaina elkartearen bilkura - Aritz Ibarraren konferentzia

Bi heriotze

Urte hastapen hau gogorra suertatzen ari zaigu, bi heriotzerekin. Lehenik, Javier Nemours Turxilbeherekoak utzi gaitu 87 urtetan, egun bakar batzuk barne 88 urte bete behar. Joan berria zaigun Martinoneko Xan Durrutyren "biritxia" kontsideratzen zen, biak urte eta egun beretan sorturik, 1937ko urtarrilaren 12an. Aritzakungo Leizetakobordakoa zen Javier. Sei haurride ziren. Ama haatik haurrean galdu zuen eta gazterik hasi behar izan zuen lanean, inguruko...

Herriz Herri | 2025eko Urtarrilaren 16a

Gilentegiko Gilen

Urtarrilaren 18an neskenegunez, Eñaut Etxamendiren liburuaren inguruan solasa iraganen da, idazlea bertan izanen delarik Mauleko Hebentikenean (10:30). Xiberoko Irakurle Taldearen eskutik (XIT-Shit!), euskaraz izanen da.

Herriz Herri | 2025eko Urtarrilaren 16a

Jende kondaketa - Mia eta mintza tailerrak Artetxean - Arberoa Drive

Jende kondaketa

Zenbait urtetarik egiten dena, 2025eko urtarrilaren 16an abiatuko da gure herrian. Baitezpada bete behar den eginbidea da.

Auzapezak hortarako izendatu duen presunak helaraziko dizkigu argibideak, eskutik eskura edo gutun ontzian utziz. Ahal bezainlaster erantzutea galdatua zauku eta hobe Internetez egiten bada.

Mia eta mintza tailerrak Artetxean

2024an euskararen ezagutza barnatzeko eta mintzatzen trebatzeko...

Herriz Herri | 2025eko Urtarrilaren 16a

Mus txapelketa

Museko federazioak antolatzen duen mus txapelketa laster hasiko da. Ortzaiztar muslarientzat Etxekoborda ostatuan jokatuko dira kanporaketak. Hortarako izenak eman behar dira urtarrilaren 20a aitzin telefono zenbaki huntarat deituz: 06-07-38-47-15. Txapelketaren finala Bazko astelehenean jokatuko da Hiriburun eta xapeldunak Argentinarat joanen dira heldu den urrian munduko txapelaren bila.