Herriz Herri | 2024ko Azaroaren 07a

Gaztelu Aretoaren hitzorduak - Korkoiak surf besta

Gaztelu Aretoaren hitzordua

Azaroaren 9an (10:00-18:00), Recycl'arte elkarteak berreskuratze besta antolatuko du. Sartzea urririk izanen da. Informazio gehigarriak: recyclarte.org.

Korkoiak surf besta

Azaroaren 9an (8:00), Sokoburu hondartzan surf txapelketa iraganen da, bai eta surf egokitua eta txiki free surf-a.

Herriz Herri | 2024ko Azaroaren 07a

Hiruak Dantzan

Mugerre, Hiriburu eta Milafrangako Herriko Etxeen eta hainbat partaideren laguntzarekin, Leinuak "Hiruak Dantzan" abiaraziko du. 7 euskal dantzaldi, 7 dantza tailer, dantzaldi tradizionala eta ikusgarria programan dira "Hiruak Dantzan"-eko lehen denboraldi horrentzat. Aurtengo azaro eta 2025eko ekain artean, "Hiruak Dantzan"-ek Hego Euskal Herriko formakuntza musikalei lekua utziko die dantzaldiak anima ditzaten.

Lehen hitzordua azaroaren 10ean emana da, goizean (10:00) dantza...

Herriz Herri | 2024ko Azaroaren 07a

Tanka gelaren hitzorduak

Azaroaren 12an (20:00), Kukai dantza konpainiak "Oskara" dantza eta musika ikusgarria eskainiko du. Euskal dantza tradizional eta koreografia garaikidearen artean, "Oskarak" zeremonia sakon baten edertasuna zabalduko du, intentsitate mistikoko kantuek eramanik.

Orotara oren bat iraunen du. Sartzeak 10 eta 26 euroren artean kostako du. Tokia erreserbatzeko: scenenationale.notre-billetterie.fr.

Herriz Herri | 2024ko Azaroaren 07a

Joritz Larrazaren mintzaldia - Alkartasuna saria Filipe Aramendiri - Errigora 2024 jadanik abian da - Tripotx jatea ostiralean - Lehen Gerla Handia eta kolonizazioa - Pilota

Joritz Larrazaren mintzaldia

Biltzarre nazio elkarteak mintzaldi ziklo aberatsa antolatu du azaro eta abendurako Euskal Herriko zazpi herrialdetan, gure oroit lekuak denon gogora ekarri nahian. Joritz Larraza urruñar historialari ezaguna hautatua izan da azaroaren 10ean igandearekin, Sarako lezetan mintzaldia eman dezan. Jorratuko dituen gaiak: Euskal Herriko aitzin-historia, 1609ko sorgin auziak, 1794an frantses iraultzaileek agindu zuten euskaldunen deportazio...

Herriz Herri | 2024ko Azaroaren 07a

Ahots hariak

Azaroaren 8an ostiralez (19:00), Inge Arin Larrañagak "Ahots hariak" bere dokumentala emanen du Biltokin. Huna sinopsia: "Dokumental labur hori, 1960-1978 urte bitartean kokatzen da. Frankismoak agintzen zuen garai horietan, Euskal Herrian kultuak sekulako garrantzia ukan zuen. Hain zuzen ere, modu tradizionalak bazterrean utzi gabe, euskal artistek teknika berriak praktikan eman zituzten: hor sortu ziren Gaur taldea edota Ez Dok Hamairu kantarien elkarlana. Dokumental labur honek,...

Herriz Herri | 2024ko Azaroaren 07a

Heriotze

Ameriketan, Dominique Antchagno zendu da. Pokoinean sortua, 6 haurridetako familia batean, 19 urtetan Ameriketarat joan zen. Beste anitz bezala, lehenik artzain eta behi deizten arizan ondoan, bere negozioa muntatu zuen hazkuntzako merkatarigoan. Bere bizia Kalifornian iragan zuen bere familiarekin: 2 alabaren aita zen eta 6 haur ttipiren aitatxi. 88 urtetan zendu da. Ondoko egunetan, meza emana izanen da Dominique zenarentzat, Urepelen bere sorterriko elizan. Doluminak familiari.