Herriz Herri | 2024ko Azaroaren 28a

Telethonen alde

Azaroaren 29an herriko gelan lotoa antolatua da (20:30), jateko-edateko izanen da. Biharamunean larunbatarekin, bixkotx tailerra proposatua da (10:00-11:30), Eguberriko apaindurak egiteko tailerra (16:00-18:00) eta ondotik (18:00) Nekez Arik elizan ikusgarria eskainiko du. Eguerditan eta arratsean taloak salgai izanen dira. Etekin guziak Telethon elkartearentzat izanen dira.

Herriz Herri | 2024ko Azaroaren 28a

Sortze

Azaroaren 16an, Goikoetxean bizi diren Bordaxarriko Betti Ourthiague eta Uharte Garaziko Katixa Larreri Mañex semea sortu zaie. Zorionak aitameri, eta bizi luze eta urosa desiratzen diogu Mañex ttipiari.

Herriz Herri | 2024ko Azaroaren 28a

Sagardotegi afaria euskaraz

Abenduaren 6an, sagardotegi afaria antolatuko da euskaraz (20:00). Menu tradizionala bakalau tortilla, bakalau frijitua pikilloekin, txuleta, gasna, menbrillo, intxaurrak eta sagardoa prefosta 25 eurotan. Gaualdi osoa euskaraz izanen da. Interesatuek dei zenbaki hontara: 06-38-93-93-66 edo mezua igor helbide hontara sagardoeus@gmail.com abenduaren 3a baino lehen.

Herriz Herri | 2024ko Azaroaren 28a

Nun habila Perkain?

Azaroaren 30ean (15:00), Vauban zinegelan "Nun habila Perkain?" dokumentala ikusgai izanen da. Mikel Erramouspek egin dokumentalean Aldude ibarreko euskal pilotaren historia da kontatua. Astekari huntan Perkain pilotariaren aipamena egina izan zen, film hunen bidez mendiz mendi ibiliko gira Banka, Aldude eta Urepelen gaindi.

Herriz Herri | 2024ko Azaroaren 28a

Telethon suhiltzaileekin - Telethon bibliotekan - Argazki liburua - Dantzaldi - 60 urte

Telethon suhiltzaileekin

Ate idekitze gaualdia eginen da ibiakoitzean (azaroaren 30ean) gure herriko kasernan (18:00). Kamionekin itzuliak, bisita, argibideak eta talo salmentak proposatuko dira. Taloentzat, manaketak aitzinetik egin ditaizke bi zenbaki hauetarik batetara deituz: 06-18-72-66-04 edo 06-46-27-09-12.

Telethon bibliotekan

Annie Juantorenak kudeatzen duen herriko biblioteka ere bermatuko da (Elizako plazan). Telethonaren...

Herriz Herri | 2024ko Azaroaren 28a

Koru kontzertua

Abenduaren 1ean (17:00), Vocanti emazte koruak kontzertua emanen du San Leon elizan. Nathalie Harel izanen da zuzendaria eta Salomé Magnier harpe jolea. Sartzeak 10 euro kostako du.