Korrika

"HitzEkin" hori da aurtengo korrikaren lema, hitzak obratu.Martxoaren 31n, Amurriotik (Araba) abiatuko da. Irisarrin apirilaren 5ean gauez gau pasatuko da (2:30 hirian). Herriko elkarte guziek parte hartzen ahal dute, bai diruz, bai eta lasterka segituz Iholditik Ortzaize aldera, deneri idekia da.

Eskubaloia

Iragan partidak - Nazional 2. mailan, 1 taldeak irabazi du 29/28 beharrezkoa zuen partida, Aurrillac hirian. Prenazional mailan, 2. taldeak Airoskin 33/43 galdu du Canejan taldearen kontra. Nesketan 1. taldeak 27/28 galdu du Mios hirian, multzoko lehenaren kontra. Ortesen, 2. taldeak 21/26 galdu du.

Heldu direnak - Larunbatean gizonen 1. taldea St Nazairera joanen da eta pre-nazionaleko 2. mailako taldeaVillenaven ariko da. 17 urtez petikoak Niort-en ariko dira. Guziek bide bera hartuko dute, hor ageri da iragan urtean eskuratu autobus ttipiak ez direla debalde.

Nesketan 2. taldea Kanbon ariko da (19:00) eta ondotik 1. taldea (21:00).

Segi gogotik!

J-P.E.

Pilota

Buruz buruka

Gure elkarteko bi pilotarientzat berri onak, final-laurdenen kontu. Artekoetan, Eñaut Sallaberryk 40/28 Ellande Etchebarneren kontra irabazi zuen. Finalerdietan, Eñaut-ek, Aimar Oçafrain beste irisartarra parean ukan du. Maleruski, Eñaut-ek 25/40 galdu du. Halere finaleko Aimar-i suerte on! Gaztetan, Eneko Etchevers-ek 30/16 Johan Dermit-en kontra irabazi du. Finalerdietan, Eneko aste hondar huntan Napurrak-eko Eneko Ithurriaren aurka ariko da.

Mintegien partidak

Joan den astean, hemendik beretik, nesken partidak ditugu aipatu, aldi huntan, mutikoenak. Hemen ere, elkarteko bi pilotarik, gazteen mailan parte hartu dute. B sailean, Jon Mollon eta Itsasuko Peio Lascarayek finala jokatuko dute, Julen Lanougere-Iñaki Ithurralderen parean eta A sailean, Manex Etxeberri Pacheco saratarra eta gure Xan Bidart, Xalbat Duhalde-Peio Migueltorenaren aitzinean. Finalak, apirilaren 3an (10:00), Donapaleuko trinketean iraganen dira.

Union Basque

Multzoko partidetarik landa, orain gure pilotariak final-zortzirenetan sartuak dira, ondoko asteetan horien berri.

Korrika

Korrika 2022 Irisarritik ere pasatuko da, apirilaren 5ean (2:30), Irisartarrak Pilota elkarteak 1151 kilometroa du, Laborarien Etxearen aitzinean izanen da. Denak gomitatuak dira, pilotazale ala beste urrats baten egiterat euskararen alde!

MO