Hendaiako Saint-Vincent kolegioko seigarreneko ikasle elebidunek oso proiektu interesgarria egin dute. Herri Elkargoak koordinatutako proiektu honen kari, azaroan ikasle guztiak Baionako Atalante zinemara joan ziren, film labur sorta ikustera.

Horren ondotik, arizale profesionala, sei astez, kolegiora etorri da eta ikasleek film hauetako bat euskaraz bikoiztu dute. Bakoitzak pertsonaia baten ahotsa egin du, baina batzuetan, pertsonaia bera bi ikaslek bikoiztu dute.

Ikasleek esperientzia hau biziki interesgarria atzeman dute. Konturatu dira zein inportantea den ongi ahoskatzea eta behar den abiaduran mintzatzea.

Proiektua bukatzeko, lehen mailako eta seigarreneko ikasle elebidunak Hendaiako Variétés zineman bilduko dira, emaitza ikusi eta entzuteko.

Martxoaren 4an Jon Maiak Hazparnen 'Kantu bat gara" ikuskizuna aurkeztu zuen. Gure AEKko formakuntzari esker xantza ukan genuen berarekin elkarrizketa egiteko. Hastapenetik ohartu ginen xumea eta hurbila den pertsona dela. Luzaz mintzatu zitzaigun, lasaiki bere historia eta euskarari buruzko bere ikuspuntua azaldu zizkigun.

Jon Maia 1972an sortu zen Urretxun, Gipuzkoan. Nahiz eta bere gurasoak espainiarrak diren, betidanik euskalduna senditu da. Euskal filologian lizentziaduna izan eta gero, abestigintzan, idazle munduan, bertsularitzan eta itzulpengintzan... ari izan da. 18 urterekin bere lehen kantua Negu Gorriak taldeari idatzi zionetik gaur arte, etengabe egitasmoz egitasmo dabil. Gizartearen aldatzea, kontzientzia hartzea eta euskararen erabilpen derrigorrezkoa helburutzat ukanez.

Bere bertsuei esker ezaguna den Jonek denbora asko ematen dio idazteari, eta harrigarriki ez isiltasunean, inguru zaratatsuetan baizik. Talde edo musikari anitzek deitu...

Hasi da jadanik, urratsez urrats eta tipa-tapa Euskal Herria hatsanka eta izerdiz atxikitzen duen AEK-ren aldeko lasterraldi mitikoa. Aste betez, mundua ahantziko dugu, Ukrainako gehiegikeriak eta Frantziako presidente hauteskunde uherrak. Deusek ez du kilometro bakoitzeko mila metroek baino munta haboro ukanen eta gainera iparralde honetan bietan pasatuko da, egunez eta gauez, ekialdetik eta sartaldetik, hegorantz. Euskaldunak ez dira sekula egun horietan bezain zoriontsu agertuko irratietan, egunkarien lehen plametan edo telebistako irudietan.

Hitzekin lemarekin abiatuko da Amurriotik, apirilaren 10ean Donostian finitzeko, euskaltzaleen eta euskaraz axola dutenen bihotzetan halako apoteosi giro bat haziz. Baina nire galdera goizon hauxe da: ez al gara denak euskararen maitaleak, agerikoak ala gordekoak, ofizialak edo klandestinoak, den-denek badugu hizkuntza horrekiko lotura bat, maitasun eta gorroto artean harilka dezakeguna. Egiari zor, hondar hamarkadetan,...