Igande arratsaldez Artetxean iragan zen bertsu emanaldia gustagarria izan zen. Ramuntxo Christy hemen ontsa ezagutzen dugun aihertar bertsulari finak, gaiak eman zituen: ikastolako oiloak beren arranguretaz mintzo; Patxi Iriart-ek berekin gerla nuklearretik babesteko 2 lagunentzat eraikia zuen bunker ttipian berekin nor hartu; Ukrainako iheslariak eta Afrikatik jiten direnak; 2021eko Xilabaren finala gordekakoa (alegiazkoa), nun Ramuntxo izan baitzen xapeldun; lur eta etxe bizitzen kariotzeaz; Izturitzeko gazteak bestetako egitarau berria asmatzen eta 22. Korrika.

Gogoa erne jinak ziren Irantzu Idoate, Bittor Thicoipe, Patxi Iriart eta Amets Arzalluz eta bertsu ederrik eman zuten gai horien inguruan.

Azken agurrean azpimarratzekoa, Irantzurena, oroitzapen ona atxikitzen duen Arberoako ikastolari.

Bertsuzaleek eta bertsua ezagutu nahian jinak zirenek ere emanaldia maitatu zuten, beraz kausitua izan zen.

Eskerrak deneri, Arberoa ikastolako buraso antolatzaileak barne.