Euskal ekonomia sailak oren zailak bizi ditu: Ukrainako gerlak eta garraioen grebak, erkidegoko enpresa andana kaltetzen dituzte: enpresa zenbait geldituak daude,beste batzuk aldizkako jarduerak egiten dituzte. Hala nola CAF enpresak, Beasainen ala Irunen, hornidura faltaz, geldialdiak eginen ditu. Volkswagen-ek Nafarroan ala Mercedesek Gasteizen ekoizpena gelditu dute, pieza eskasa izanez. Papresa paper lantegia Errenterian, Michelin ACB Bizkaian, Arcelor Mital eta Olaberria enpresek aldizka lanean jarraitzen dute, bereziki argindarraren prezio merkeenaz baliatzeko. Panorama ez bada laster argitzen, zerrenda luzatu daiteke.

Harrigarria badirudi ere, Nafarroako zenbait gunetan, zenbait herri bizitzailez hustuak izanez, salgai dira. Adibidez, Zai, Beltzunegi ala Etxaide, Esteribar aldean. Alta herri horiek Iruñetik ordu erdira kokatzen dira. Zoritxarrez etxe abandonatuak lurrera joan dira, adibidez Zaiko herri osoa salgai da 1.600.000€tan, eliza barne, Beltzunegi 590.000€tan, ermita barne eta Etxaide 3.000.000€tan.

Baxurako euskal ontziek zenbait egunez gutienez portuan geldirik jarraituko dute, garraio grebaren ondorioz, orduan bilduko baitira berriro arrantzan hasi ala ez erabakitzeko.

Bizkaiko eta Gipuzkoako untziak joan den astetik portuetan daude. "Garraioaren greba eta saltzea, ezin dugu gure jarduera modu normalizatuan garatu", Garmendia hiztunak, azaldu du eta bihar egoera berriro aztertu eta erabaki bat hartuko dutela aurreratu du.

Euskal kultura ardatz,"Bilbao Basque Fest"jaialdiak 200 ekitalditik gora eskainiko ditu Aste Sainduan,apirilaren 13tik 17ra. Herri kirolak, zinema, gastronomia eta musika lagun,300 artistainguruk parte hartuko dute, Bilboko 30 bat aretotan.Ekitaldi gehienak dohainik izanen dira. Bizkaiko hiriburuaz gozatzeko garai aproposa.

Ezohiko bi urteren ondotik, aurten EAJk ospakizun tradizionala eta aldarrikapenak kaleetan berreskuratuko ditu. 2020an militante jeltzaleek etxean konfinaturik ospatu behar ukan zuten, 2021ean ekitaldi politikoa egin zuten Euskalduna Jauregian, publiko oso mugatu batekin.

Nafarroa ez dela inongo Euskal Nazioaren parte erraiten duten horientzat mezua bidaliz, apirilaren 17an, Iruñean milaka euskal herritar bilduko dira. "Amaiurren garaitu ez gintuztelako jarraitzen dugu zor zaigun burujabetza galdegiten" adierazi du EH Bilduk, Aberri Eguneanparte hartzeko deia eginez.

Koalizio abertzaleakelkarretaratzeaAtarrabian egin du, Nafarroako Auzitegi Administratiboak bertakofrontoian margotua zegoen Euskal Herriko armarria ezabatzeko aginduaeman duela salatzeko. Bertan, Bakartxo Ruiz EH Bilduko bozeramaileak adierazi du "hainbat sektore politiko eta judizial euskal kutsua duen edozeren aurka" ari direla. "40 urte beranduago, bide demokratikoak ireki eta Nafarroak subjektu politiko gisa gure erabakiak hartzeko garaia da" erran du Ruizek. Ildo horretan, berretsi du EH Bilduk "Nafarroa demokratiko eta pertsona aske eta berdinen Euskal Errepublika eraikitzeko lanean" jarraituko duela.

Esnearen sektoreko ekoizleek Iruñeako Konstituzio Plazan esnea bota dute, ekoizpen-gastuak emendatzearen ondorioz bizi duten egoera dramatikoasalatzeko. Hala adierazi du Oier Villanueva Ultzamako esne abeltzainak eta EHNE sindikatuko bozeramaileak, protesta gisa esnea bota ondoan. "Guri ordaintzen dizkiguten prezioak oso apalak dira etakostuen azpitik lan egiten dugu", adierazi du sektorearen egoerari buruzko testuingurua azaltzeko. "Dirua zerealetan inbertitzen da eta horrek lehengaien prezioa igotzen du, pentsuan behiei zerealak ematen baitiegu. Datorren hilean zerealen %25eko emendatzea espero da, egoera dramatikoa da", gaineratu du.

Esne-sektoreak mobilizatzen jarraituko du, izan ere, "esneak0,80 euroan egon beharko lukesupermerkatuetan. Bestela, industria eta abeltzaintza hondatuko dira". Oraintxe bertan 0,45etik behera dirua galtzen ari gara, orain gutienez 0,45 ordaintzea behar dugu", gaineratu du. Jendeak emeki-emeki behi...

Ernaik,Cabo Quilates itsasontziaren gurutzea Barakaldonbota du eta ekintza horren ondotik Bizkaian "monumentu frankista publikorik" gelditzen ez dela azpimarratu du. "Erakundeen pasibotasunaren aurrean", ezker abertzalearen gazte erakundeak duela urte batzuk eremu publikoetatik ikur frankistak kentzeko kanpainaabiatu zuen eta azkenik egin ekintzarekin, Bizkaiko kaleetan ikur frankistarik ez dagoela adierazi dute.

Gogora Institutuaren arabera, Bizkaian eta Gipuzkoan frankistek 2.194 pertsona fusilatu zituzten, gerra zibilean eta gerla ondoan. Horietatik, 60 emazteak ziren eta2.134 gizonak. Derion omenaldia egin diete, horietan, bertzeak bertze, Doroteo Calzada,Jesus CarreraetaJose AriztimuñoAitzol-i. Zerrenda gordin bereko hiru izen-abizen dira. Frankistek hirurak fusilatu zituzten, 1936-1945 artean, gerra-kontseiluaren sententziaz.

Busturiarra zen Doroteo Calzada, lanbidez laboraria eta hiru seme-alabaren aita, 39 urte zituela frankistek hil zuten, 1937ko abuztuan, gerra-kontseiluan hala erabakita. Derion hobiratu zuten.

Jesus Carreraren izena ere ezarria da Gogora Institutuaren zerrendan. Hondarribiarra sortzez, Donostian bizi zen eta Alderdi Komunistaren idazkari nagusia zen. Alcala de Henares (Espainia) herrian hil zuten, 1945ean eta bertan hobiratu. Jose AriztimuñoAitzolidazle eta kazetaria, sorterrian 1936an hil zuten, Hernanin. Epaiketarik egin gabe exekutatu zuten,...

Eusko Jaurlaritza lanean ari da pentsio funts publikoa sortzeko. "Eragile askoren adostasuna behar duen lana da, horrek denbora eskatzen du. Gaur egun langiletatik %51,2ak enpresa plana du, Araban, Bizkaian eta Gipuzkoan. Nagusiki sektore publikokoak dira, industriako batzuk eta Mondragon korporaziokoak. Jaurlaritzak urteak daramatza enpresa eta langile gehiago erakarri nahian -bere helburua da langileen %70erat heltzea-, baina sektore batzuei eta enpresa ttipiei bereziki kosta egiten zaie halakoak sortzea edo daudenekin batzea.

Jaurlaritza Erkidegoan sistema indartzeko aukera aztertzen ari da. "Gure gurasoek soldataren %90arekin erretiratzen ziren, guri geratuko zaiguna %65 inguru izanen da", azpimarratu du Etxebarria sindikatuko ordezkariak. "Lan munduaren prebarikazioak, egun dena baldintzatzen du. Jende anitz bada ezin hilabete bukaerara helduz, eta orainari lotutako kezkak bihurtzen dira lehentasun. Gainera, patronalaren jarrera ere halakoa da: gutieneko soldatak...