Gure Hitza | 2023ko Urtarrilaren 26a

Erretretan sartzea, bizitzeko askatasuna!

Menane Oxandabaratz

Aitzineko uda klima aldetik beroa izan bada, negua sozial aldetik berdintsua izan litzateke. Frantses gobernuaren erretreten erreforma berriak bazterrak berotu ditu, aspaldiko partez langile sindikatu guziak bateratuz. Joan den astean lehen manifestazioak erakutsi duen bezala, sektore desberdinetako langileak karrikara jautsi dira, erretretara joaiteko adinaren gibelatzearen kontra zirela aldarrikatzeko.

Erretreten erreformak ihardukitzeak sortzen baditu, langile gehienek igurikatzen duten mementoa delakoz, hainbat lan urteren buruan goxoki bizitzeko. Laneko erretiroaren hartzeak denboraren berreskuratzeko ahala emaiten du, hamarnaka urte luzeetako lanaren ondotik, bizi berri baten menturan.

Lana utzi eta, erretretaduna aisialdien garaian sartzen da, mendian, itsasoan, eskulanetan… eta bidaietan, lasaiki burua hartu gabe bizi da.

Bakoitzaren sentsibilitatearen arabera, elkarteetan ala beste edozein egituretan borondatez eskualdiak emaiteko posibilitatea eskaintzen du. Hemen berean, bereziki sozial sailean, izan Hazkurri Bankuan, sozial epizerietan, Bihotzeko Ostatuetan ala herrietako sozial zentroetan bezalako egituretan, laguntzaile gehienak, ez erraiteko denak, erretretan diren pertsonak dira. Lanbiderik ez ukaiteak du posibilitate hori ahalbidetzen, jendarte osoaren onurako. Pertsona horiek ez balira, zertan litzateke behartuak diren pertsonak? Bakarrik zerbitzuetan ari diren profesionalen menpe litzateke eta sozial langile horiek ez lukete denen beharreri erantzuteko ahalik.

Lana uzteko adinaren gibelatzeak osagarri ondorioak sortzen ahal ditu. Aspaldiko urtetan ari den langile batek, izan lan dorpean ala estres handikoan, karrera bururatzean ondorioak jasaiten ahal lituzke. Psikologikoki, lana zama pisua bihur daiteke. Berrikitan, inkesta batek agerian utzi du 2,5 milioi langilek gehiegizko lanarengatik osagarri arazoak dituztela. Adin batetik goiti eri-geldialdi gutiago ondorioztatu lezake, agintariek etengabe aipatzen duten estatuko diru publiko eskasa hobetuko litzateke.

Frantses gobernamenduak erretreten erreforma plantan jartzea behartua dela estatuko buxetaren orekatzeko aipatzen duelarik, aberastasuna hobeki partekatua balitz, estatuaren kesak beteak litzateke. Fortuna handiko familiak behar den bezala zergapean balira, estatuak bere finantzak oreka litzake. Errepublikako presidente ohieri estatuak 5.500€ hilabete guziz ordaintzeko ordez, erretreta-kutxan ezartzen balitu! Diru publikoko xahutze ikaragarriak eta alferrikakoak saihestuak balira! Langile anitz adin duin batean erretretara joan litzateke.

Le livre noir des gaspilages 2022 irakurtzen delarik, ehun bat diru publiko xahutze harrigarrien berri jakiten da, estatuaren dirutzarekin ordainduak, hots herritarrenarekin!

Erretretan sartzeak bizitzeko askatasuna eskaintzen dauku, askatasun hori du Macron gobernamenduak bota nahi, guri da horren kontra altxatzea!

Email Buffer Facebook Google Twitter Pinterest LinkedIn Digg StumbleUpon Tumblr

3679. zbk

Gure Hitza | 2023/01/26

Erretretan sartzea, bizitzeko askatasuna!

Menane Oxandabaratz

Aitzineko uda klima aldetik beroa izan bada, negua sozial aldetik berdintsua izan litzateke. Frantses gobernuaren erretreten erreforma berriak bazterrak berotu ditu, aspaldiko partez langile sindikatu guziak bateratuz. Joan den astean lehen manifestazioak erakutsi duen bezala, sektore desberdinetako langileak karrikara jautsi dira, erretretara joaiteko adinaren gibelatzearen kontra zirela aldarrikatzeko.

Erretreten erreformak ihardukitzeak sortzen baditu, langile gehienek igurikatzen duten mementoa delakoz, hainbat lan urteren buruan goxoki bizitzeko. Laneko erretiroaren hartzeak denboraren berreskuratzeko ahala emaiten du, hamarnaka urte luzeetako lanaren ondotik, bizi berri baten menturan.

Lana utzi eta, erretretaduna aisialdien garaian sartzen da, mendian, itsasoan, eskulanetan… eta bidaietan, lasaiki burua hartu gabe bizi da.

Bakoitzaren sentsibilitatearen arabera, elkarteet...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016