Herriz Herri - Suhuskune (NB) | 2023ko Martxoaren 02a
Heriotza
Joan den ortzirale arratsaldean iragan dira Colette Eliceits-en ehorzketako meza, Suhuskuneko elizan.
Jendalde gaitza bildu da. Colette erizaina zen eta Pariseko formakuntzaren ondotik sortu zuen bertze batzuekin Ortzaizeko erizain ekipa.
Bere laneko lagun eta familiako bi presunek entzunarazi dituzte lekukotasun hunkigarri batzu. Beti emazte langilea, presta eta zerbitzu egilea izan da.
Barkatzen ez duen gaitz batek denbora guti barne ereman du. André bere espos lagunari, bere haurreri, arra-haurreri eta Garateko familia guziari gure dolumin sendikorrenak.










