Dolu

Bere azken egoitzara segitu dugu Maiana Etchegaray, Erraikoa, 91 urtetan. Maiana emazte isila zen, bere irriñoarekin hurbil errexa, osagarriaren gorabeherekin zonbait urte hauetan Donapaleuko erretira etxeratua zen. Ehorzketak gure elizan iragan dira, familiako, ezagutza ala herritarren erdian, jinak otoitz eta kantuetan parte hartuz familiaren sustengatzera, zoini eskaintzen baititugu gure dolumin bihotzekoak.

Biltzar nagusia

Elgarrekin adin ederrekoen elkarteak bere biltzar nagusia joan den igandean egin du. Biltzarrean jende multxo ederra bildu da, zoinetan erranak izan baitira konduen gorabeherak, aitzineko bidaia ala jan otorduen berri. Agertu da ere konduen sanotasuna, ez baita holakorik ondotik egin den bazkariaren gozatzeko alegeraki, Mari Odilen ostatuan. Bulegoko kideen burumuinetan ateraldieri buruzko gogoetak daude. Desiratzen dugu bide beretik segitzea!