Herriz Herri - Makea (L) | 2023ko Uztailaren 13a
Herriko besten kari antzerkia
Aurten ere Jostakin antzerki gazte taldea ikusgarri baten prestatzen ari da, herriko besten abiatzeko uztailaren 20an, ostegunez, emana izanen da (20:30). Peio Berterretche herritar antzerkilari adituak "Hurrup eta pum" eta "Herri pollitena" idatzi ditu eta taula-zuzendaritza kudeatu du. Orotara 35 gaztek parte hartzen dute, denak ez dira makearrak, jokolariak Hazparne, Lekorne eta Heletakoak ere badira.
Aitzin Pantxix Bidart hazpandar kantari ezagunak, kantu tailerrak primaderan hasirik, kudeatu ditu. Eraman lanaren emaitzak gaualdi hortan entzuten ahalko dira.
Ondoko astean besten programaren berri emanen dugu, anartean gaurdanik atxik ostegun arratseko hitzordua, balio baitu gazte hauen sustengatzea.











