Herriz Herri | 2025eko Irailaren 11a

Berriz Aintzinaren biltzar nagusia

Duela urte bat berriz abiatu zen Berriz Aintzina lehengo gazteen elkartea. Irailaren 20an, 60 urte baino gehiago dituzten herritarrak biltzar nagusian parte hartzera gomitatzen ditu (10:00), Mindegian. 2024/2025eko urteko bilanaren berri emanen da eta 2025/2026ko egitasmoak aipatuko dira. Egun horretan kidetza arraberrituko da, 20€ kostako duena. Etorri nahi duenak baina biltzarrera hurbiltzeko manerarik ez duenak, deitu André 06-71-76-40-90.

Biltzarretik landa hurrupaldia eskainia...

Herriz Herri | 2025eko Irailaren 04a

Makea Oinez

Etxe Handia elkarteak, urtero bezala Makea Oinez antolatzen du, aurten irailaren 28an iraganen da. Urtsu (678m) eta Baigura (897m) mendietan gaindi 4 ibilaldi antolatuak dira.

Aurten, parte-hartzaile bakoitzak ordaintzen duenean euro bat Angeluko “Le Petit Prince” elkarteari emanen dio. Minbizia duten haurren familiak laguntzeko sortu elkartea da.

Irailaren 28an ezkerparetan hitzordua...

Herriz Herri | 2025eko Uztailaren 17a

Herriko bestak

Ostegun huntan hasi dira antzerki gaualdiarekin, ostiralean ohi den bezala zikiroa iraganen da Ixtaklok eta Holako Deluxe taldeek animaturik. Larunbatean haurren jokoak (15:00), pilota partida Mindegian Urmeneta/Pascual ariko dira Goñi/Erasunen kontra (17:00), arrastirian pintxo potea eta gaualdia bururatuko da Gatibu eta Zetak taldeen kontzertuarekin. Igandean meza (10:30), arratsaldean (16:30) Luhusoko Polliki dantza taldeak “Ireki ez hesteko” ikusgarri berria emanen du,...

Herriz Herri | 2025eko Uztailaren 10a

Jostakinen gaualdia

Herriko bestak hurbiltzen ari direla eta, heldu den ostegunean usaian bezala Jostakinek antolatu gaualdiarekin hasiko dira (20:00). Aurten 30 bat gaztek parte hartuko dute, bi antzerki emanak izanen dira “Ito bitez” eta Piarres Larzabalen “Orreaga”, beste talde batek kantuak emanen ditu.

Ondotik “Adriene Bergson-Johnson”, Maryse Urrutyk idatzi eta antzeztu obra ikusten ahalko da.

Herriko besten programaren segida heldu den astean.

Herriz Herri | 2025eko Uztailaren 03a

Eskuko telefono zaharren bilketa

Herriko Etxeak eskuko telefono zaharren biltzeko ontzi bat ezarria du. Horren xedea da hondakin elektronikoen ingurumen inpaktuak murriztea. Bilketa ontzia irailaren 19a arte egonen da, pasatzen ahal da Herriko Etxearen idekitze tenoretan: astelehen, astearte, ortzirale eta larunbatetan (9:00-12:30).

Herriz Herri | 2025eko Ekainaren 19a

Eliza garbitzeko deialdia - Kantari gazteak Zamudion

Eliza garbitzeko deialdia

Anitz hilabetez obrak eginik, Besta Berri kari ekainaren 29an eliza berriz idekia izanen da. Hori dela eta, elizari garbialdi on baten emaiteko borondatezko jendeak behar dira, interesatuek Herriko Etxera deitu behar dute 05-59-93-32-46 edo mailez mezua bidali mairie@macaye.fr. Izen emaiteko azken epea ekainaren 16a zen.

Kantari gazteak...