Herriz Herri | 2026ko Urtarrilaren 22a

Herriko Etxearen agiantzak

Urte haspenean usaia den bezala Herriko Etxeak makearrak Mindegia gelara gomitatzen ditu, aurten urtarrilaren 24an iraganen da (10:30). Aitzineko urteko obren berri emanen da eta ondotik herritarren artean baso bat eskuan bi solas egiteko parada ukanen dugu.

Herriz Herri | 2025eko Abenduaren 18a

Eguberriko merkatua

Makeako Saskia elkarteak, aitzin manatuz, urte osoan tokiko ekoizpenak saltzen ditu, urte hondarrean Eguberriko merkatua antolatzen du. Abenduaren 19an Mindegia gelan iraganen da (17:00-19:00). Eguberri eta Urtatseko apairuentzat aitzakia ona, janari eta edari paregabeak erosteko!

Herriz Herri | 2025eko Abenduaren 11a

Berritz Aintzinaren berri - Sagarnotegira ateraldia

Berritz Aintzinaren berri

Aitzineko igandean Berritz Aintzina elkarteak antolatu kantaldiak arrakasta ukan du, 250 bat pertsona hurbildu baita. Etorriak zirenak ez dira enoatu kantaldi eder baten entzuteko parada ukan baitute.

Bestalde elkarteak abenduaren 16an (15:00), Eguberriko krakadara kideak gomitatzen ditu, Mindegian iraganen da. Bi solas eginez eta gauza onak janez urtea ongi bururatzeko gomita...

Herriz Herri | 2025eko Abenduaren 04a

Gasnak sariztatuak - Mus

Gasnak sariztatuak

Duela 42 urte gure herrian plantatu Onetik esnetegiak, 2022an Aldudeko gasnategiaren kudeaketa beregain hartu zuen, Etxaldia izenarekin. Urtero Munduko Gasna Saria (World Cheese Awards) iragaiten da. Mundu guzitik etorri milaka gasna-egile enpresa lehiatzen dira.

Aldude Etxaldia esnetegian egina den camembert gisako gasnak bigarren saria eskuratu du, garaipen ederra. Onetik-ek ere medaila andana irabazi du, horietan bigarren postuan...

Herriz Herri | 2025eko Azaroaren 27a

Kantaldia

Berritz Aintzina elkarteak antolaturik, azaroaren 30ean (15:30), igandearekin, elizan kantaldia iraganen da. Entzuten ahalko dira: Berçaits anaiak, Anuxka eta Lea, Neskatxa, Gérard eta Kattalin Ihidoy eta Negeloua anai-arrebak. Anocibar anaiak musikari.

Sartzea 10 eurotan, ondotik jateko eta edateko parada izanen da. Ez duda, etorri memento goxo baten pasatzera!

Herriz Herri | 2025eko Azaroaren 20a

Palestina Libre

Joan den larunbatean, ehunka pertsona hurbildu dira Iparraldea Palestinarekin kolektiboak antolatu egunera. Palestinarrek bizi duten genozidioaren berri ukan dugu. “Palestine Vaincra”, “Urgence Palestine” eta “Bakerako Batasun Judu Frantsesa” (UJFP) mugimenduetako ordezkariek mintzaldietan parte hartu dute. Lekukotasun horieri esker Palestinako eta Zisjordaniako egoera politikoa azaldua izan da. Eguna bururatu da kontzertuekin.