Herriz Herri - Ziburu (L) | 2023ko Uztailaren 13a

Erakusketa - Laburra - Arin Abesbatza

Erakusketa

Bordagaineko dorrean ideki da erakusketa berezi bat Ortz-Adarra elkartean diren artista batzuena. hilabete hunen 19a arte segituko du, egun guziz idekia da (10:30-13:00 eta 14:00-18:30). Gaiak biziki herrikoiak dira, dena kolore argi eta goxo. Itsas-hegia, gure portu eta bazterrak, gure mendi eta etxeak, hots gure ondarea

Laburra

Herriko kontseilua bildu da joan den egunean. Bilkura laburra, doi-doia oren laurden bat iraun duena. Segurtasun neurri berri zonbait hartu dira kirol-zelaira buruz doan bidearentzat. Bestalde, autoen aparkatzea pagatuz den tokietan, orain arte bezala autoaren zenbakia beharko da aitzina agertu, bestenaz sobera nahasketa eta saltsa izaiten ahal litakeela.

Arin abesbatza

Ortzegunean (21:00), Arin abesbatza entzuten ahalko da herriko elizan, Andoni Zubeldia zuzendari. Kantu eder asko eta asko xaramelatuko ditu bere betiko kar nasaiarekin. Afrika zolaraino ere itzuli bat eginez, beste bat Italian barna.

Desobedientzia zibila: beharrezko arma baketsua

Menane Oxandabaratz

Sektore desberdinetako mugimenduek kudeaturik, mobilizazio azkarrak iragaiten dira, bereziki ingurumen proiektu ikaragarrien edo(ta) etxe eta lur prezio ezin sinetsien kontra.

Lur eta etxe prezio saltze munstroek eta erosteko prest direnek, ondorioztatzen dute espekulazioaren kontra altxatzea. Ehunka jendek ezin dutelarik alokatu eta oraino gutiago erosi! Holako gertakarien aitzinean desobeditzeko bidearen hartzea beharrezkoa da.

Desobedientzia zibila bidegabetzat jotzen den lege, arau ala jukutria geldiarazteko borrokatzeko molde bat da, modu baketsuan, publikoki asumitua. Desobedientzia zibila berez indarkeriarik gabeko erresistentzia da. Holako eginbideak beharrezkoak dira, zuzena kausitzen ez den egoera baten kontra altxatzeko, saihesten du beste bortizkeria bati buruz joaitea. Hemen berean aspaldiko urtetan holako borrokak eramanak izan dira.

Seaska sortu zenetik, euskararen...

Irakurri segida

Gurekin harremanetan sar