Iparraldeko Orkestrak 2023-2024ko sasoiko egitarau berria urte hondarrean aurkeztu du.

Rêvolution (ametsaren eta bilakaeraren uzkurdura) izeneko programazio berriaren bitartez, elkargoak demokratizazio politikarekin jarraitzen du, musika klasikoa lurralde osoan eta publiko guzientzat sustatzeko. Bordeleko Musika eta Dantza Goi Mailako hezkuntza zentroarekin eta Donostiako Musikene goi mailako eskolarekin lan egiten du, ikasle profesional horieri Iparraldeko Orkestrako musikariekin batera jotzeko aukera eskainiz. Iparraldeko Orkestraren eginkizuna beti berritzailea den kalitatezko ibilbide artistiko baten bidez musika zabaltzea du helburua. Urtero egitarau aberatsa publiko zabalari proposatua da. Maurice Ravel kontserbatorioarekin lan egiten du, Euskal Elkargoarekin batera eta Departamendu Kontseiluak diruz laguntzen du.

Euskal Herriko lurraldean musika klasikoa zabaltzea Euskal Elkargoarentzat oinarrizkoa da, bere kultur proiektuan sartzen delako. Iparraldeko Orkestrak zubiak eta loturak sortu nahi ditu, horretarako urtean zehar gomitatua den herrietan ibiliko da.

Baionako agertokiaz gain, Angelu, Donibane Lohizune, Maule, Donibane Garazi, Luhuso, Ziburu, Hazparne, Urketa, eta baita ezohiko lekuetan ere ibiliko da, hala nola Larzabaleko elizan, bai eta beste hainbat herritan. Mixel Etxekopar poeta zuberotarrak osatu "Peio eta otsoa" obra ikusgai izanen da.

Bestalde arte hezkuntzaren ikuspegi anbiziotsu baten aldeko parioa egina duela, Iparraldeko Orkestrak zahar etxeetan, eskoletan eta baita mediateketan, musika klasikoaren inguruko ezagutza zabaltzeko bere bitartekaritza lana luzatuko du.

Denboraldi berri hunen abiatzean, Benoît Fromanger musika gidari berria izendatua izan da. Nazioartean ezaguna den zuzendariak, orkestraren agintea irailean hartuko du.