Kantu eta dantza gaualdia

Iragan urteetan bezala, Amadea elkarteak antolatzen du kantu eta dantza gaualdia urtarrilaren 27an, larunbatez (19:30), Sanoki gelan. Amadea elkartearen ardura nagusiena da Madagaskarreko haur eta gaztetxoen heziketa eta geriza.

Gaualdia lau zatitan iraganen da. Lehenik kantua, lau kantari eta musikari gazteekin: Raphaëlle Toulemonde, Bethleem, Abdallah Boujalal eta bere pianista eta Folkablok taldearekin. Ondotik, plater beroa zerbitzatua izanen da nahi duteneri, janari malgatxea (7,00€). Gero publikoari izanen da euskaraz kantatzea (kantu liburuxkak ekarri!) eta azkenik, denek dantza egiten ahalko dute gauaren bururaino, mutxikoak eta beste dantzatuz.

Dohaintzak biltzeaz gain, elkarteak gaualdi hau Itsasuko eta inguruetako biztanleekin elkarbizitzarako une bat izan dadin nahi du. Gomita zabalena luzatua da guzieri!

Ihauteriak

Eguberri pasatu bezain fite, gainean ditugu ihauteriak! Eta aurten ere kaskarotak etxez ibiliko dira 3 asteburuz: urtarrilaren 27 eta 28an, otsailaren 3an eta 4an eta otsailaren 10ean.

Xeheki emanen dugu ondoko asteetan ibilaldien berri, baina oraindanik atxiki behar da hitzordu nagusiena: otsailaren 10ean Atharrin izanen da dantza ikusgarria (18:30), ondotik Zanpantzarren auzia, gero dantzaldia Holako taldearekin eta Goxokiko Gaualdia (23:30).