Antzerkilariek 3. emanaldia

Izturitzen Artetxea gelan eta Beskoitzen Bixintxo antzokian arrakasta ederra bildurik gure antzerkilari gazteak aldi huntan urrunago abiatuak dira. Azaroaren 26an, igandez (17:00) “Umezurtza” eta “Porfilio margolaria”, Pantzo Hirigarairen bi obrak, Aldudeko zinegelan, antzeztuko dituzte.

Han ere ikus-entzule anitz igurikatzen dute.

Artetxea kantuz

Azaroaren 24an hilabeteko azken ostirala izanez, oroit Artetxean kantu errepika beharra dela (20:00),musikari laguntzaileekin, orori zabaldua beti bezala.

Izturitzeko merkatua

Joan den ekainaz geroztik ostiral arrastiri guziz (18:00-19:30) egiten da Artetxeko aitzinean.

Barazki, ogi, gasna, esneki, oilasko, ezti eta beste lekuko ekoizle ttipieri prezio onean eros ditaizke. Giro goxoan iragaiten da eta saltzaile ala erosle neguan ere irauteko nahikariarekin daude.

Aro euritsu edo hotzarekin barnean egiten da.