Ohoratuak

Herriko kontseilua bildu da joan den egunean. Ohoratu du Michel Claudio herriko langile zena, bestalde ere elkarte frangotan lan eta lan arizana euskal kultura gogoan, bereziki dantza, musikaeta margolaritza. Omendu ere Guy Poulou auzapez ohia, haren izena emanez Errepira aldeko bilgunera doan bideari, bilgune horren sustatzaile eta eraikitzaile kartsu izana baitzen besteak beste. Beroan bero, larunbatean berean gauzatu da gisa hortako urratsa. Guy Poulou zenaren familia ere partaide suhar.

Ez ahantz

Atxik gogoan aste huntan guzian Ziburuk sustatzen duela euskara, gazteak bereziki ohar diten zoin altxor baliosa dugun eta bertsularitza besteak beste zergatik behar den preziatu gure harat-hunatetan. Hor dugu ere hitzordua guziz baliosa, larunbatean, Baltsan elkartearen bertsu-bazkaria. Eguerditan, Piarres-Larzabal ikastegiko gaztetxoek kantatuko dituzte beren artean moldatu bertsuak.Gero, Aimar Karrika gai emaile, elkarteak gomitatu hiru bertsulariak, Amets Arzallus, Unai Iturriaga eta Alaia Martin. Bil dadila jende, denak erne eta kementsu, bai eta bistan dena omore hoberenean!