Biltxokoko larunbatak

Urtarrilaren 31n (12:0014:00), Amarra taldea gomitatua izanen da Biltxokora.

Ekitaldia

Urtarrilaren 30 eta 31n, “Topaketa internazionalistak” ekitaldia antolatzen du Baxenabarreko Euskal Herrian Euskaraz-ek, Biltxokon. Lehen egunean (19:00), “Kulturen erresistentzia eta erresistentziaren kultura” gaualdia izanen da, bretainiar, euskal, katalan, korsikar, okzitaniar, kantu, musika eta dantzekin. Ostatua izanen da eta afaltzeko bretainiar matahamiak. Biharamunean, “Frantses Konstituzio linguizida” hitzaldia (10:00). Bertan, bretainiarren, euskaldunen, katalanen, korsikarren eta okzitaniarren lekukotasunak trukatuko dira.

Kontzertua

Urtarrilaren 31n (20:00), Maider Cigarroa eta Yannick Tellechea Le Carrén ariko dira.

Hitzaldia

Hilabetero, irakur klubak eleberri edo ipuin bilduma eztabaidatzen du, aldi huntan, Jone Bordatorekin. Hitzordua otsailaren 3an (18:15) emana da.

Zizpa gaztetxeak 10 urte

Baionako Zizpa gaztetxeak 10 urte ospatuko ditu otsailaren 4, 5, 6 eta 7an.

Lau egunez, programazio zabal eta aberatsaz gozatzeko aukera izanen da, publiko anitzari zuzendua izateko xedea duena. Besteak beste:

Asteazkenean, Porrotx eta Pontx pailazoek haurrendako emanaldia eskainiko dute gaztetxean.

Ostegunean, Baionako kaleak gordetzen dituen memoriak azaleratuko dira bisita historikoaren bitartez, eta Atalanten “Lasa eta Zabala” filma hedatuz.

Ostiralean, Gure Irratiaren aldeko kantaldia antolatuko da, artista ugarirekin.

Bukatzeko, larunbatean goizetik gauerako programa antolatuko da, bazkari, poteo eta kontzertuekin. Egun honetan, gaztetxea eta asanbladaren 10 urteko ibilbideaz oroitzeko aukera izanen da ere.

Aurresalmentak HelloAsso plataforman zabaldu dira.

“Lasa eta Zabala” filmerako sarrerak Atalantek salgai jarriko ditu.