Kirolaren Arbitraje Auzitegiak (KAA) erabaki du ez duela eskumenik Euskadiko Euskal Pilota Federazioaren ofizialtasunaren kontra Espainiako Pilota Federazioak pausatu zuen helegiteaz erabakirik hartzeko. Lehenagotik Kubak kendua zuen bere helegitea. Beraz, auzia horretan gelditzen da, Espainiako eta Kubako Federazioei agortu baitzaie bertze epaitegi batzuei parte emateko epea. Gainera, kirol sailean, KAA da auzitegi gorena, eta erabaki horrekin, ofizialtasuna eman dio Euskadiko Euskal Pilota Federazioari. Espainiako eta Kubako federazioek 2.159 euroko kalte ordaina pagatu beharko diete Nazioarteko eta Euskadiko federazioei, auzibideek eragin dizkieten gastuengatik.

Euskadiko Euskal Pilota federazioa Nazioartekoan sartzea 2024ko abenduaren 28an onartua izan zen, Iruñean iragandako biltzar batean. Baina Espainiako eta Kubako federazioek salaketa ezarri zuten bilkura haren kontra, 2025eko urtarrilaren 16an.

Joxemari Mitxelena, Euskadiko Euskal Pilota federazioko...

Hego Euskal Herriko osagarri publikoko medikuak greban jarriko dira heldu diren hilabeteetan. Osakidetzako (EAE) eta Osasunbideko (Nafarroa) sendagileek otsailetik ekaina arteko hilabete bakoitzean aste batez lana utziko dute. Lehen greba astea otsailaren 16tik landa izanen da. SME Euskadiko Sendagileen Sindikatuak eta Nafarroako Sindikatu Medikoak bat egin dute greba deialdiarekin.

Mugimendu honen partaide dira, halaber, Espainiar Estatuko hainbat erkidegoetako medikuen sindikatuak. Mobilizazioak hasteko, manifestaldi bateratua eginen dute otsailaren 14an, larunbatean, Madrilen. Espainiako Gobernua osagarri langile guzientzat estatutua negoziatzen ari da, eta medikuek estatutu edo oinarrizko lan baldintza propioak galdegiten dituzte, haien lanari egokituak. Gainera, medikuek salatu dute osasun langileen estatutuaren negoziaketetan ez dutela indarrik: medikuen ordezkari bat badago negoziaketa mahaian, baina ez du bozkatzeko eskubiderik.

Aurten beteko dira 50 urte 1976ko martxoaren 3ko sarraskia gertatu zela Gasteizko San Frantzisko elizan. Polizia tiroka oldartu zitzaien han bilduak ziren langile grebalariei, eta haietako bost hil zituzten. Urtemuga horren karietara, hainbat talde eta erakunde ari dira oroimen-ekitaldiak prestatzen.

Ernai gazte antolakundeak, “ekinez egina, memoria eta borroka” izeneko dinamika aurkeztu du. Ekimen horren baitan, martxoaren 3ko gertakariei buruzko mintzaldiak emanen dituzte Euskal Herriko zenbait tokitan. Halaber, Ernaik dei egiten du martxoaren 3an Ikama ikasleen sindikatuak Gasteizen antolatu duen mobilizazioan parte hartzera. Ondotik, biktimen omenezko oroitarrian lore eskaintza eginen dute.

LAB sindikatuak, bere aldetik, ekitaldi andana prestatu du duela mende erdia gertatu zena gogoratzeko. Jarduerak otsailaren 5ean hasiko dira, mintzaldi batzuekin. Otsailetik apirila artean, berriz, sindikatuak orduko gertakariei buruzko erakusketa bat ezarriko du...

Eusko Jaurlaritzak hamabi eskola publiko elkartuko ditu Bizkaian, eta sei ikastetxe bilakatuko dira. Zehazki, Bilbo, Basauri, Getxo eta Leioako eskolak hunkituko ditu bateratze prozesuak.

Eskolak elkarretaratzearen arrazoietako bat ikasle kopuruen apaltzea da. Alabaina, gero eta haur gutiago sortzen da, eta beraz, ikastetxeetan izena ematen duten haurren kopurua ere murriztu da. Jaurlaritzak jakinarazi duenaren arabera, 2020tik hona 13.000 ikasle baino gehiago galdu dira Ama Eskoletan eta Lehen Mailan. Ikastetxeen biez bat egitearen bertze arrazoia, berriz, eskola segregazioa mugatzea dela azaldu du Jaurlaritzak.

Eusko Jaurlaritzak azpimarratu du bateratzeei esker hezkuntza proiektuak “indartu”, “sistemaren ekitatea” hobetu eta eskola segregazioaren kontrako borrokan urratsak emannahi dituztela: “Integrazioaren bidez, talde askotarikoagoak eta orekatuagoak sortzen dira, harremanak zabaltzen dira, eta ikasleen ongizatea indartzen da, irakasle talde...

Lan merkatuari buruzko Eustaten inkestaren emaitzak ezagutzera eman dira joan den urtarrilaren 23an. Horien arabera, langabezia heina %6,3ra apaldu da EAEn 2025. urte bukaeran. 2008ra behatu behar da tasa ttipiago bat ikusteko, orduan %3,8 izan baitzen batez bestekoa.

Eustaten biztanleria aktiboaren inkestak erakusten du 68.000 langabe zirela 2025eko laugarren hiruhilekoan EAEn, aitzineko urteko garai berean baino 7.600 gutiago. Langabe horien erdiak baino gehiago Bizkaian daude (38.700), eta lurralde horretan aurkitzen da langabezia tasa handiena (%7). Hala ere, azken urtean Bizkaian apaldu da gehienik langabe kopurua (-5.500).

Langabe gutiago izateak langile kopurua emendatzea dakar. Eustaten inkestaren arabera, 1.012.300 landun daude Araban, Bizkaian eta Gipuzkoan

Lan bat dutenen kopurua bereziki zerbitzuetan handitu da (+9.400). Industrian 3.500 lagun gehiago ari dira. Eraikuntzak bertze 3.400 enplegu sortu ditu. Lehen sektoreak, aldiz, 1.000 langile, nonbait...

Sorturen IV. Kongresua bururatu da joan den larunbatean, Ficoban, 600 militanteren presentziarekin. Duela urtea jakinarazia zuen bezala, Arkaitz Rodriguezek koordinatzaile nagusi kargua utzi du, eta Xabi Iraolak hartu dio lekukoa.

Iraolak Sorturen gidaritza hartzean egin duen lehen mintzaldian, hiru eginkizun nagusi zehaztu ditu: euskal proiektu nazionala eraberritzea, politikaren zentzu eraldatzailearekin birkonektatzea, eta Euskal Estatuaren oinarriak eraikitzea.