Herriz Herri - Bardoze (L) | 2026ko Urtarrilaren 29a
Ihauteriak
Aurten, kaskarotak pasatuko dira kartierez kartier otsailaren 21ean eta 28an, eta ihautea bukatuko da plazan martxoaren 7an, desfile tradizionalarekin. Auzia, "sua ipurdian" dantza, afaria eta gaualdi alaitua segituko dira. Gure herriaren momentu inportante hori prestatzeko, Foyer de Bardos elkarteak oroitarazten digu ihauteko erakusketa beti idekia dela mediatekan, ihautearen kostumak, pertsonaiak eta etorkiak ezagutzeko. Besteak beste, Bardozeko ihautearen istorio zaharrak, lapurtar ihautearen berezitasunak edota ihautearen jatorriari buruzko teoriak dira aipagai, Thierry Trufaut-en lanean eta Foyerraren baliabideetan oinarrituz. Parada ona bardoztar berrientzat tradizioa deskubritzeko, eta besteentzat gaia sakontzeko eta oroitzapen onak berpizteko. Erakusketa urririk da, mediatekaren idekitze tenoretan.
