2025eko egoera zibila

Sortzeak: Haize Tastet, Unai Urrutigaray, Maddi Espil-Canderatz, Enea Mendiboure eta Imanol Pochelu-Boyreau. Heriotzak: Kattin Oxarango, Michel Verdoux, Gérard Guinaudeau, Jeannette Sabarots, Xalbat Bidegaray eta Patrice Baranx. Bestalde hiru ezkontza izan dira.

Agiantzak

Joan den larunbatean makearrak Mindegia gelan bildu dira Herriko Etxearen agiantzen kari. Bi hilabete eskas dira herriko bozak iragaiteko. Alain Dubois-k 18 urtez auzapez kargua bete ondoan, jakinarazi du ez dela presentatzen. Baliatu da eskertzeko hainbat urtez bere ondoan lan egin duten hautetsiak, herriko langileak eta herritarrak. Bete duen kargualdian memento zoriontsuak, gogorrak, pizgarriak, nardagarriak… bizi ukan ditu, baina azpimarratu du sekulan dolutu gabe bere funtzioa bete duela. Herri ttipietan auzapez batek edozein gauza egiteko prest izan behar duela oroitarazi du.

Ondotik aipatu du kargualdian egin obra handi batzuk, horietan Etxehandia egoitzan egin diren arraberritze lanak, 11 apartamendu eraikiak izan dira, bai eta ofiziale gunea (50 bat langilek lan egiten dute). Bestalde 10 hilabete iraun duten elizako obrak gogorarazi ditu, ondarearen zaharberritzearen garrantzia azpimarratuz. Urtsu lotizamendua, herriak bost etxe eraikitzeko erosi lurra da, lekuko gazteeri herrian bizitzeko posibilitatea ematen diena. Hitzaldia bururatu du hitz hauekin: “Urte berriak osasuna eta loratzea ekar diezazkizuela, gure herriak segi dezala aitzina errespetuan, ongizaitean eta elkarbizitzan”.

Ekitaldia bururatu da baso baten inguruan.