Amadearen gaualdia

Joan den astean aipatu bezala, kantatzerat eta dantzatzerat gomitatzen gaitu Amadea elkarteak Madagaskarreko jendaldearen alde, urtarrilaren 31n, larunbatez (19:30). Parte hartuko dute Haiz Egoa koruak, De Grands Enfants bikoteak, Folkablok taldeak eta Boza taldeak (Circle Song). Sartzea 5€. 10€ janari malgatxearekin parekatuz.

Ongi etorri deneri!

Ihauteriak 2026

Oroitu 3 asteburutan etxez etxe eta auzoz auzo ibiliko direla Kaskarotak! Huna lehen asteburuko egitaraua:

2026/01/31 larunbata (9:00etatik goiti): Jauretxea - Etxegarai - Agerria - Irigoinia - Zelaia - Ordokia - Eguzkian - Xilarrenia.

2026/02/01 igandea (9:00etatik goiti): Ondoria - Bettibidarteneko bidea - Izoki - Atekagaitz - Lehengo Posta inguruak - Zubeleta – Errobi.

Mezu hau ere helarazten daukute Kaskarotek: "Aspaldi huntan atea idekitzen daukuten etxeetan gelditzea usaia dugu. Baina ez gintaizke etxe berrietan gelditzearen kontra! Zure etxearen atea ideki nahi badaukuzu ondoko telefono zenbakira dei gaitzazu (07-69-25-08-08). Ez duda auzoen artean biltzea!"