Ezkontza eta bataio

Joan den ibiakoitzean, bi ezkontza eta bataio bat iragan dira gure herrian: Izpegiko bideko Elhorrietan bizi diren Argitxu Etchegoin eta Arnaud Ustarrotz Herriko Etxean ezkondu dira, bazkaria Gamian eta Luken semearen bataioa zuten biharamunean. Bestalde, Ana Gouffran baigorriarra eta Xabi Etcheverry ortzaiztarra elizan esposatu dira eta besta segitu dute Plaza Xokon. Bi hauek Uztaritzen bizi dira orain. Goresmenak gure bikote gazteeri.

Iturritik

Iturritik elkartea erreka garbiketa lanetan ariko da uztailaren 5ean, igandez, Bankan aldi huntan. Hitzordua herriko plazan (10:00). Joan den ekainaren 7an, 1.160 kilo hondarkin bildu dituzte 4 orenez.

Aekabaret

Garazi eta Baigorriko AEK-ko ikasle eta erakasleek ikasturtea joan den ortziralean bururatu dute besta giroan, kabaret gaualdi batekin Bixentainian. Kantu, joko edo antzerki, klase bakotxak emanaldi bat prestatua zuen. Orain denak oporretan dira eta agian euskaldun berri horiekin gertatuko girelarik uda huntan, gure mintzairaren praktikatzeko parada emanen dakotegu!

Kermeza

Gure parropiakoa igande huntan iragaitekoa da, eta Plaza Xokoko bazkarian parte hartu nahi balin bada igandean, izenak lehenbailehen eman behar dira: 05-59-37-40-34 edo 05-59-37-18-84 zenbakira.