Baionan Kantuz: errepika publikoa

Baionako besten usaina hedatzen hasia da jada hirian berean eta ere errepika gunetan. Baionan Kantuz daraman Tuntuna soinulari eta kantari elkarteak bere hiru emanaldien errepikak hasiak ditu. Karrikaldin daiteke usaian bezala besten ostegun, larunbat eta igandean (20:00), Dantzazpi eta gero, jendea kantarazteko. Ostegun huntan (2an), kantua gustukoa dutenak gomitatuak dira Euskal Museoan Tuntunak eginen duen errepika publikorat. Programan usaiako kantu alegerak eta ere besten karietarat kantatuak diren jotak, aurten ere jota berri batekin garaiko berritasuna aipatzen duena: adimen artifiziala. Horren deskubritzeko eta trenpuan izaiteko bestendako, (18:00) jin Euskal Museorat eta Karrikaldirat. Baionan Kantuzeri buruzko xehetasun guziak www.baionan-kantuz.eus eta www.facebook/baionan-kantuz guneetan.

Udako ikastaroak

Uztailaren 4an (9:00-13:00), UEUko Filosofia Sailak eta Maiatz elkarteak elkarlanean antolaturik, “Pizkundea: zentzua, izena eta izana” jardunaldia iraganen da mediatekan. Urririk izanen da.

XXI. mendeko egoerari erantzuteko, Euskal Herriak pizkunde baten beharra omen du, baina haren zergatiaz hausnartu behar da. Helburua Euskal Herriaren biziberritzea bada ere, garrantzitsua da aitzineko herri mugimenduen indarrak, balioak, zentzua eta oinarriak ulertzea, baita aurkako indarrei nola egin zitzaien aurre eta iraganetik zer ikas daitekeen aztertzea ere. Jardunaldi honetan, balizko pizkundea sakon ulertzeko gakoak landuko dira, historia, literatura eta filosofiaren laguntzaz.