Jatetxe berria

Aspalditik zerratua zen “Chez Bixente” jatetxeak bere ateak berriz idekiko ditu “Chez Juju” izenarekin uztailaren 4an (7:00). Bezperan, jabe berriak gonbidatzen gaitu adiskidantzazko basoa partekatzera (17:00-21:00). Espero dugu bizileku berri horrek arrakasta ukanen duela eta gure plaza dinamizatuko. Ongi etorri jabe berriari!

Herriko besten prestakuntza

Besta komitea laster pasatuko da etxez etxe aurtengo besten programa aurkezteko eta dirua biltzeko.

Pilotako emaitzak

Trinketa zanpez betea zen larunbat honetan Bardozeko esku-huska txapelketaren finalak ikusteko, eta Lafitte eta Iphar nagusitu ziren Maiz eta Luroren kontra (40-14).

Finala aitzin, partida ederra jokatu zuten neska gazteek, eta Lorea Etcheverryk (Airetik) eta Maiana Oxarangok (Airetik) irabazi zuten Elena Irigoin (Kapito Harri) eta Oihana Mauryren (Uhaldean) kontra (40-18).

Eguna segitu zen aperitifa eta bazkari on batekin ezkerparetan. Biba Uhaldean txapelketa eder hori antolatzeagatik!