Pilota

Finalean

Palantxan, Frantziako xapelgoko Challenge Nationalen lehiaketaren kondu, gure gaztetxoek Elaia Bidart eta Lore Acheritogaray kusiek finala jokatu dute, Uztaritzeko Kiroleta trinketean, Eskiularrak 1-en parean. Eta maleruski gureek galdu dute 07/15,15/09, 04/10. Partidaz ez da gauza handirik erraiteko, aldiz bai ondotik pilotari eta segitzaileek denek elgarrekin gozatu bazkari paregabeaz Kiroletan. Kapito Harriko antolatzaileak dira eskertzekoak.

Beti palantxan, pilota hutsean, Pilotarienak-en konduko finalerditan, Irisartarrak Pilota elkarteko bi parek irabazi dute xitoetan. Irisartarrak 1-eko Luma Monaco-Elaia Gastellu 15/06, 15/13 nagusitu zaie Zaharrer Segikoeri!

Irisartarrak 2-ko Gana Urruty Echeverria-Jaima Langlade Larçabalek irabazi dute 15/06, 15/11 Abarratiakoen parean. Beraz finala irisartarren artean ukanen dugu, uztailaren 4an, Lekorneko trinketean.

Esku-huska

Asteak joan eta berri onek aitzina segitzen dute.

Iparraldeko pilota batzordeko xapelgoaren konduko finalerdietan, adinekoetako bi parek irabazi dute eta nola...

Hirugarren mailako Mollon-Bidart nagusitu zaie Amikuzekoeri 30-19, Zuraideko kantxan! Orain, Jon eta Xanek finala jokatu beharko dute Noizbait edo Senpereren parean, uztailaren 11n (18:00), Ezpeletako kantxan.

Bigarren mailako Bidart-Etchegaray ere nagusi atera dira Iholdiko plazatik 30-16, Denek Bat-ekoen parean. Paolo eta Julienek finala jokatuko dute, beti ber kantxan Zaharrer Segikoen aitzinean, uztailaren 10ean (20:00).

Palantxan ala esku-huska, gure pilotariak lorian daude. Goresmenak eta eskerrak ere horien arduratzaileeri!