“Angela” enbaxadoreak

Ikastetxeetako hezkuntza-taldeekin, Emazteen eta Familien Eskubideei buruzko Informazio Zentroko (CIDFF) ordezkariekin eta udal hautetsiekin batera bildurik, Saint Vincent eta Irandatz ikastetxeetako 25 ikaslek “Angela” enbaxadore edo enbaxadoreorde ziurtagiria jaso dute, hainbat astetan zehar erakutsitako engaiamendua eta sentsibilizazio-lana aitortuz. Halakorik egiten den lehen aldia da departamenduan.

Tokiko Segurtasun eta Delinkuentziaren Prebentziorako Kontseiluaren (CLSPD) ekimenen barnean garatutako proiektu honen helburua izan da gazteak kaleko jazarpenaren eta irain sexistaren inguruan sentsibilizatzea, Angela programa eta herrian diren babeslekuak ezagutaraztea, eta, aldi berean, ikaskideen artean prebentzio-lana eginen duten egiazko erreferenteak prestatzea.

Memoria lantzeko tailerrak

Memoria akuilatu eta autonomoa izaten segitu teknologia digitalekin!

GEUZak urririk diren 3 saioko tailerrak proposatzen ditu, talde ttipian eta giro goxoan, memoria entrenatzeko eta, aldi berean, egunerokoan errex eta erabilgarri diren tresna digitalak deskubritzeko. Egitarauan: oroimenerako eta arretarako ariketa ludikoak, egunerokoan baliagarriak diren abilezia digitalak, argazkien kudeaketa, oroitarazteak, agenda eta antolaketa eta solasaldia eta esperientzia partekatzeko unea.

Hitzorduak uztailaren 9, 16 eta 23an emanak dira, ostegunetan (10:00-11:30), Hondartza gelan. Urririk, baina izena aitzinetik emanez: 05-59-48-23-10. Kasu, toki kopuru mugatua.