Bestaberri

Ekainaren 21ean ospatu da Bestaberri gure herrian. Erran nahi baita Otabatik igande bat berantago. Arrazoina: musikariak ezin zirela libratu Otabaz. Igande zinez beroa jasan behar izan da. Herriko Etxeko itzulia eginik, beztitutako gazteria eta haurrak elizan sartu dira hamar bat musikarik lagundurik. Meza denborako prozesionea Artetxe aitzinean apailatutako aldare ederraraino joan da, bero handia izanik ere. Elizkizunetik landa aperitifa eskainia izan da trinketean eta ondotik multxo ederra bildu da Noblianean, alegrantzian.

3841. zbk

Gure Hitza | 2026/07/02

Izebergak ere bero

Ainhoa Etxenike

Azken egunetan gerlak, egoera edota gertakari dramatikoak alde batera utzi, eta bereziki bi gaik hartu dute hedabideen eta gure egunerokoaren monopolioa: berote handia eta munduko futbol kopa.

Ukrainako gerla lehenik, ondotik Palestinarena, Ekialde Hurbilekoa, petrolioaren garestitzea, Lyhanna neska gaztearen drama, baxoa eta brebeta, munduko futbol kopa eta orain bero izigarria. Tarte motz batez, berri batek bestea estali du, munduko dramak ixtante batez bazterrean utziz.

Momentuko gai nagusienak aipatzeko, ezagutu berri ditugun berote handiek berotze klimatikoaren gaia hurbiletik segitzen dute. Gai hunen inguruan, Patrick Pouyanné TotalEnergies-eko buruzagia berotean parte batez ardura ote duen galdezkatua izan denean, “Gaur kontent zarete herria klimatizatzeko gas-zentralak ukaitea” ihardetsi du.

Horrez gain, “Duela hamabost egun, mundu guziak petrolioa eskatzen...

Irakurri segida

Gurekin harremanetan sar