Nafarroako Pirinioetako kabala hazleak Otsagabia eta Ezkaroze artean, hartza agertu delako kezkatuta agertu dira, Aribe herrian beste bat ere ikusia izan da. Hartza babesteko politikak berrikustea eskatzen dute, eta hartzen populazioa abeltzaintza estentsiboarekin bateragarria den kopuru batera mugatzea galdegiten dute. Bestalde “hartzik gabeko eremuak” ezartzea ere proposatua da, abere hazkuntza bertan garatu ahal izateko.

Orbaitzetako, Erroibarko eta Uretako laborariek eta artzainek Iruñeko EHNE sindikatuaren egoitzan prentsaurrekoa eman dute. Felipe Etxetxikia laborarien sindikatuko idazkari nagusiaren erranetan, “Pirinioetan 120 hartz inguru daude eta hori kopuru handia da. Hori dela eta, hartzen populazio onargarria zein den neurtzeko deia egiten dugu, abere tropak mendian izaten dituen abeltzaintza estentsiboaren eta hartz populazioaren arteko oreka lortzeko”. Laborarien erranetan: “azken urteak nahiko lasaiak izan badira, hartz-populazioa pixkanaka...

Naziometroak egin inkestaren arabera, bildutako datuen arabera euskal herritarren %23,3a ados da Espainiarekin eta Frantziarekin Euskal Herriak bere independentzia har dezan, aldiz %46,4k ez du aukera hori onartzen eta %69,9a erabakitzeko eskubidearen alde agertu da.

Galdeketaren aitzineko edizioan, independentziaren kontrako jarrera %43,2koa zen eta independentziaren aldekoa %22,2koa. Telesforo Monzon eLABek eta Euskal Herriko Unibertsitateko ikerketa taldeak zortzigarren inkesta honetan 1.446 pertsona galdekatu dituzte. Inkestatuen %41,1ek dio euskal estatu baten alde dela eta %27,7k ez du aukera hori onartzen.

Subiranotasunari eta independentziari buruzko pertzepzio tradizionalekin batera, herritarrek segurtasunari eta poliziari buruz zer iritzi duten ere aztertua izan da. Segurtasunaren pertzepzioari dagokionez, herritarren %80k bere ingurunea leku segurtzat hartzen du. Inkestatuek beldur handiagoa dute kalitatezko zerbitzu...

EAJk, PSE-EEk eta Podemosek maiatzean akordioa lortu ondoan, Arabako eta Gipuzkoako batzar nagusiek egonaldi turistikoaren gaineko zerga ezartzea onartu dute. Jeltzaleen, sozialisten eta alderdi ekologisten botoei EH Bildurenak batu zaizkie. Horrela, Euskal Autonomia Erkidegoko hiru lurraldeetan 2027ko urtarrilaren 1etik aitzina zerga berria biltzen hasiko dira.

2026ko udako Deustobarometroaren arabera, euskal herritarren arazo nagusia etxebizitza eskuratzea da. Inkestatutako pertsonen erdiek (%49,5) gai hori hiru kezka nagusiren artean dute.

Biztanleek ez dituzte etxebizitza politikak gainditu, 10etik 3,6ko nota jarri baitiete, ezkortasuna da nagusi, %71k uste du hamarkada bat barne etxebizitza bat eskuratzea gaur egun bezain zaila edo zailagoa izanen dela.

Herritarren beste kezka nagusietako bat osasuna da, Euskadiko arazo nagusien artean %37,5ek aipatu baitute. Osakidetzari buruz kezkak emendatzen ari dira, hainbat urtez gorakadarik izan gabe eta medikuek egin...