Herriz Herri | 2026ko Uztailaren 16a

Pilota Txapeldun

Iparraldeko pilota batzordeko xapelgoaren konduko finaletan, bi egunez Irisartarrak Pilota elkarteko hiru parek finalak irabazi dituzte. Lehenik, Iholdiko plazan, ostiral iluntzean, bigarren mailako Bidart eta Etchegaray nagusitu dira 30-13 Zaharrer Segikoen parean. Paolo eta Julien hastetik kantxaren izkin guziak miatu eta kintzeak erdietsi dituzte.

Biharamun goizean, Zuraideko plazan, beste bi parek jokatu dituzte beren finalak. Gazteak B-ko Merle-Mentaberri eta Lascarayk irabazi...

Herriz Herri | 2026ko Uztailaren 16a

Harrizko zubiko besta

Urteko hitzordua hemen dugu, uztailaren 26an, Harrizko zubian.

Leaburuko adiskideak gurekin izango dira, fleitean Toka jokoan lehian, harri altxatzaileak, bi bertsulariak, musikariak, egun fresko eta goxo baten mentura! Ez duda! Izena eman otelore.elkartea@gmail.com helbide hontara idatziz.

Herriz Herri | 2026ko Uztailaren 16a

Cémée laukotearen musikaldia

Uztailaren 31n, ostiralarekin (20:00), Cémée laukoteak emanen du kontzertua Ortzaizeko elizan. Lau anderez osatua (Emma Lefort-Perreaut, Marie Dubousset, Éloïse Saenz eta Claire Myers), taldeak emanen ditu Félix eta Fanny Mendelssohn anai-arreben obra batzu, hauen musika aberatsa agertuz. Sartzea urririk izanen da bainan bakotxak utz dezake nahi duena.

Herriz Herri | 2026ko Uztailaren 16a

Kontseilu bilkura - Lezeak - Abisu

Kontseilu bilkura

Uztailaren 2an, hautetsiak elgarretatu dira elkarteen diru laguntzak bozkatzeko. Denak hor ziren, 37.660€-ko buxeta bozkatua izan da, denen baimenarekin. Beraz elkarteek ukanen dituzte beren diru laguntzak.

Lezeak

Udan bisiten tenoreak aldatu dira. Uztailaren 6tik abuztuaren 30a arte, lezeak bisitatzen ahalko dira (9:00-19:30), hiru hizkuntzetan: frantsesez, espainolez eta euskaraz. Bisita espezialak ortziraletan...

Herriz Herri | 2026ko Uztailaren 16a

Pilotari so - Jazz kontzertua - Petanka lehiaketak - Eskulturen erakusketa - Mutxikoak igandean - Otsantzeko kaperara ibilaldia - Ziburuko Estudiantina - Auxtin Zamoraren aurkezpena

Pilotari so

Esku-huska, plaza laxoan, Euskal Herriko amaturren txapelketan, lehen mailan, finalerdietan ari zen gure bikotea. Zoritxarrez, Kanboko plazan Goyenetche/Jaureguy makurtu dira Donibane Garaziko Iribarren/Çubiat-en kontra 13/30. Emaitza honekin Frantziako txapelketaren bidea zabalik dute, kemenez buru eginen dute. Bertzalde, herriko bestetako lehiaketako finalean, Hiribarne/Etcheverry nagusitu dira Larrechea/Etcheberryren kontra 40/28, Gantxiki...

Herriz Herri | 2026ko Uztailaren 16a

Pausuko bestak - Xaia ostatuaren besta - Kantu bazkaria - Filma - Udako oporrak - Urruñako astearteak - Urruñako ostiralak - Euskal pilotaren asteazkenak

Pausuko bestak gainean ditugu

Aurtengo bestak uztailaren 23tik 26ra izanen dira. Hau da auzoko besta komiteak prestatu duen egitaraua: uztailaren 23an, ostegunez, mus txapelketa Xaian eta Kantauri abesbatzaren kontzertua. Uztailaren 24an, ostiralez, pintxo potea auzoko ostatuetan barna, eta arratsean, Bushido eta Karma taldeen kontzertuak. Uztailaren 25ean, larunbatez, haurren eguna jolas eta jokoekin, pilota partiden finala eta herri afaria. Horren ondotik, Kiki,...