Herriz Herri | 2024ko Maiatzaren 02a

Kantaldia Entrexatak eta Ruper Ordorika - Nepalera: "Hegoak Mendian" elkartearekin

Kantaldia Entrexatak eta Ruper Ordorika

Kantaldi ederra antolatzen daukute Beltzuntze elkarteko kideek, heldu den igandean (16:00), maiatzaren 5ean, Denen Etxeko gela handian.

Lehen partean Entrexatak taldea dute gomitatu, hau Aiherra eta auzo herrietako 7 anderez osatua. Lagun taldea da eta badu orain 5 bat urte elkartzen direla, polifonian hizkuntza ezberdinetan, maite dituzten kantuen kantatzeko (euskaraz, bulgarieraz, galizieraz, okzitanieraz...). Ikusi behar...

Herriz Herri | 2024ko Maiatzaren 02a

Materiala dohaintza deialdia - Lehen "Filo txoko" - Lehen "Filo txoko" - Bertsu bazkaria - Pintxo Eguna - Malda Bizi erakusketa

Materiala dohaintza deialdia

Euskalgintzako hainbat egituren artean (Baga, Biga Bai, Euskaltzaleen Topaketa, Hedabideak, Euskal Konfederazioa eta Plazara), larrazkenetik harat leku-partekatua idekitzeko asmoa dute. Gune horretan euskarari lehentasuna emanez, lan egiteko, lankidetzarako, ikusgarri izaiteko eta toki bat biziarazteko asmoa da. San Andres plazan izanen den egoitza ekipatzeko, material dohaintza deialdia zabaldua da. Lan espaziorako, bulego, apalak,...

Herriz Herri | 2024ko Maiatzaren 02a

"Lurrez estali"

Axut! konpainiaren sorkuntza berria da, herriko Latsaga zalditokian 3 astez emana izanen da.

"Ehorzketa bat, Baxe Nafarroako herrixka batean, uda da. Ezkilak, kabalak eta xakurren zaunkak. Mendien artean, etxalde zaharkitu bat, zorrez gainezka. Uda baten goxotasuna aitzakiatzat hartua, familia osoa bilduko da sekula existitu ez den mundu baten nostalgiak pizturik".

Obraren idazlea eta taula-zuzendaria Ximun Fuchs. Aktoreak: Ramon Agirre, Amaia Arbeletche, Aline Etxeberri, Manex...

Herriz Herri | 2024ko Maiatzaren 02a

Heriotza

Aste bat barne bi heriotze izan ditugu herrian eta biak elgarren auzoak ziren. Lehenik, Irigoizgaraiko Noelie Heguy zendu da bere ehungarren urtean eta ehorzketak Ortzaizeko elizan iragan dira joan den asteartean. Ondotik, zendu da Irigoizbehereko Jean-Pierre Trounday 92 urtetan. Hunen ehorzketak astearte huntan iragan dira Ortzaizeko elizan.

Hunkiak diren bi familieri gure doluminak eskaintzen dizkiegu.

Herriz Herri | 2024ko Maiatzaren 02a

Azokaldia!

Maiatzaren 7an asteartearekin (19:00), "Antzerkiaren Laberintoan-1" liburuaren aurkezpena eginen da, Bil Tokin. Bertan, Ander Lipus aktore eta egilea hor izanen da. Denendako urririk!

Herriz Herri | 2024ko Maiatzaren 02a

Antzerkia

Maiatzaren 5ean igandearekin, "Haurra eta antzerkia" deitu ekitaldia antolatua izanen da Versant antzokian. Goizean (11:00), "Perette Plume et le Dragon" ikusgarria izanen da, arratsaldean (15:00) "Wassilissa" eta ondotik "Ni bleu, ni rose" (17:30). Haurrendako sarrerak 8 euro kostako du, helduendakoak 12 euro. Izena emateko 05-59-23-02-30 ala theatre-versant@orange.fr.