Herriz Herri | 2024ko Urtarrilaren 25a

Bestak abiatuak

Eneko Aldana-Douat herriko auzapezak Bixintxo besten idekitze ofiziala egin du. Aurten Aña txotxongilo erraldoia zen besten izarra! Andere hori KiLiKA elkartearen babespean egina izan da, eskoletako haurrek eta herriko langileek parte hartu dute. Aña anderea karriketan ibili da, Marinelak danborrada, Ziburuko Estudiantina eta Begiraleak dantzariak berekin lagun zituela.

Amaiur, Hodei eta Unax bertsulari gazteek ere beren maneran besten hasiera eman dute.

Asteburu...

Herriz Herri | 2024ko Urtarrilaren 25a

Heriotze

Urtarrilaren 11n, baginuen Zernaizeko Marie-Jeanne Berterretcheren ehorzketako meza. Sortzez bidarraitarra zen eta 88 urtetan utzi gaitu.

Azken urte hauetan ezindua izanik ere, fede eta kuraiarekin jasan ditu nahigabeak. Zinez emazte on baten oroitzapena uzten dauku.

Doluminak familiari.

Herriz Herri | 2024ko Urtarrilaren 25a

Kantaldia

Elizan otsailaren 11n, igandez (17:00), herriko eskoletako haurrak, Brililiak taldea eta Una Fiara Novakorsikarrak entzungai izanen dira. Sartzea: 10€, kitorik 12 urte arte.

Huna hemen gomita luzatua, hobe txartelak aitzinetik erostea, Carrefour Market dendan oraindanik salgai dira.

Herriz Herri | 2024ko Urtarrilaren 25a

"Là-Bas" antzerkia - Jaun meraren agiantzak - Mus gazte txapelketa - St Christophe lizeoa bestan - Errugbia - Pilota

"Là-Bas" antzerkia

Bi emazte leku hertsi batean bizi dira, ez dakite noiztik, bainan galdera daukate ea bertze mundu bat balitekeen? Ugarte batean bezala, sekulako puska desberdinez inguratuak, hauetan perlak zintzilik, soinu batzu isiltasuna mozteko, horra oholtzan aurkitzen den irudia. Euskal Elkargoaren ekimenez plazaratu antzerkia, Larreko antzokian, hilaren 28an igandearekin (17:00). Ikusmina suspertu behar lezake hitzordu...

Herriz Herri | 2024ko Urtarrilaren 25a

"Ligetx koblakaria(k)" pastorala

Herriak "Ligetx koblakaria(k)" pastorala emanen düe 2024ko üdan.

Tindatzea edo marraztea gustatzen bazaizü, Ligetx Koblakaria(k) pastoraleko afixa sorkuntza lehiaketan parte har ezazü!

Afixa martxoaren 11 beno lehen helarazi behar düzü bertzxiloa@hotmail.com edo Gamereko Herriko Etxera (paperez edo USB giltza batean), idekitze tenoretan. Afixa güziak presentatüko dütügü epai-mahaiari eta emaitzak agertüko dira martxoaren 30etik goiti. Irabazleak pastoraleko...

Herriz Herri | 2024ko Urtarrilaren 25a

Zine topaketa - Biztanle kontaketa - "Lauburu: aukerak" erakusketa - Donibandar berriendako gomita - Muduko pizza txapelketa

Zine topaketa

Urtarrilaren 26an ostiralarekin (18:30), "Apaiz kartzela" dokumentalaren Ritxi Lizartza zuzendaria eta Xabier Amuriza protagonistarekin topaketa izanen da, "Sélect" zinema gelan. Filma euskaraz da, frantsesezko azpitituluekin. Tokia erreserbatzeko www.cineluz.fr webgunetik egin daiteke edo zineman bertan.

Biztanle kontaketa

Urtarrilaren...