Herriz Herri - Irisarri (NB) | 2024ko Abenduaren 05a
Eskubaloia - Pilota
Eskubaloia
Pre-nazional mailan, irisartarrek galdu dute Bordelen, 26-35.
Nesketan, nazional 3 mailan Kanbo/Irisarrik irabazi du Brugesen, 26-23.
Bigarren taldeak galdu du Bokaleren kontra, 20-21.
Heldu den larunbateko partidak
Gizonetan, nazional 2 mailan lehen taldeak Atharratze errezebituko du (19:00).
Pre-nazional mailan, bigarren taldeak Blanquefort errezebituko du (17:00).
Nesketan, nazional 3 mailan, Kanbo/Irisarrik Tyrosse errezebituko du (21:00).
Erregional mailan, hemezortzi urtez petikakoak joanen dira Mont de Marsan-era (18:00).
Igandean (16:00), bigarren taldea joanen da Lons-era.
B.L.
Pilota
Finalean
Joan den aste hondarrean Irisarriko Herria trinketean, Iparraldeko Pilotako Batzordeko esku-huskako finalerdiak iragan dira. Astekari huntako pilota orrialdean xehetasun guziak ukanen dituzue. Gure partetik Irisartarrak Pilotako artekoek Eneko Etchevers/Xan Bidart-ek nekez eraman dute partida 40-37 Jon Mollon eta Cyril Arambel Zaharrer Segikoen aitzinean. Jon bere airearekin eta herritarren aitzinean, eta Cyrilek bere jo bortitzekin lanak eta izialdurak eman ditu! Halere, Eneko eta Xanek keinka txar hortatik ateratzea erreusitu dute. Orain finalean, Zaharrer Segiko Etcheverry/Videgain Alfaroren parean ari beharko dira. Bigarren mailan eta final-laurdenetan, Julien Etchegaray/Paolo Bidart-ek galdu dute 19-40 Zaharrer Segiko Alcasena/Larreren parean. Halere, Julien eta Paolok Frantziako txapelketan segitzen ahal dute. Beti final-laurdenetan, gazteen B mailan Oiher Merle Mentaberri/Aiheli Lascarayk galdu dute 18-40 Senpereren aitzinean.
Finalen eguna eta bazkaria
Heldu den abenduaren 15ean Irisarriko Herria trinketean Iparraldeko Pilota Batzordeko esku-huskako finalen eguna dugu. Goizean (10:00) bi finala: gazten eta bigarren mailakoa. Arratsaldean (16:30) artekoen eta lehen mailakoena. Artean pilota elkarteak bazkari herrikoia antolatzen du trinketaren ondoko herriko bi geletan. Hortarako pilotazaleak gomitatuak dira beren izenen emaiterat abenduaren 10a aitzin, René deituz: 06-86-72-24-71.Ongi etorri deneri!
M.O.
