Bizkaiko Foru Aldundiak beterik dauzka bidaiderik gabeko adingabe atzerritarrak artatzeko lurraldean dituen 16 zentroak. Foru erakundeak larrialdiko laguntza dispositiboa aktibatzea erabaki du. Argitaratu duenez, egunean batez beste hiru atzerritar adingabe Bizkaira heltzen dira, bide ezberdinak erabilita. Gurasorik gabe datozen haurrak artatzeko, Bizkaiko zentroetan 602 adingabe dira. Aldundiak aurten lau zentro berri zabaldu ditu, baina ez da nahikoa, sarea gainezka da.

Aldundiak eman datuen arabera, aurten, urtarrila eta urria bitartean, 725 adin gutiko Bizkaira etorri dira. Aldundiak larrialdi dispositiboa berehala zabalduko du, oraindik zehaztu ez duen leku kopuruarekin. Dispositibo hori gutienez urtebetez atxikiko du, sei hilabetez luzatzeko aukerarekin.

Eusko Jaurlaritzak 2025eko urtarrilaren 1etik harat hartuko du bere gain Renfe hurbileko tren zerbitzuen eskumena. Euskal Autonomia Erkidegoan (EAE) urtean 23 milioi bidaiarik erabiltzen dute zerbitzua. Datorren urtean indartuko ditu Miranda Ebro (Burgos) eta Altsasu (Nafarroa) lotzen dituen lineak. Bide berean, Karrantzaren eta Bilboren arteko lotura ere sendotuko du. Renferekin akordioa lortu da egunero eta asteburuetan zerbitzu berriak ezartzeko, bai eta hainbat ibilbide luzatzeko. Tren berriak ere ezarriko dira.

Eusko Jaurlaritzak plazaratu azken soziometriak agertu datuak dira. Egungo egoera ekonomikoaz zein politikoaz galdetu zitzaien herritarrei. Denera telefonoz 3.030 elkarrizketa egin dira.

Egoera politikoaz galdetuta, hamarretik 6,6k adierazten dute ona dela. Balorazio hori ez da aldatu 2021etik.

Zerbitzu publikoei buruz, galdetutakoen %70ek uste dute Erkidegoko zerbitzu publikoak onak edo biziki onak direla, %36k uste dute datozen urteetan hobetuko direla. Aldiz %28k adierazi dute oso txarrak direla.

Kezken artean, lan-merkatua agertzen da aurreneko postuan. 2021etik jaitsi egin bada ere, herritarren %45ek beren kezka nagusien artean lana kokatzen dute, %38k etxebizitza eta %32k osasuna. Bestalde, Eusko Jaurlaritzak hurrengo urteotan izan beharko lituzkeen lehentasunen artean, osasun zerbitzuak agertzen dira (%44).

Galdeketan parte hartu dutenen %42k adierazi dute euskal herritartzat bakarrik edo euskal herritartzat espainiartzat baino gehiago dutela beren bu...

Eustat euskal estatistika erakundeak argitaratu txostenak, administrazio publiko guziek egin gastu arrunta neurtzen du, bai eta nahitaezko eta borondatezko osasun-aseguruek eta etxe bakoitzean zuzenean egin ordainketak ere. Euskal Autonomia Erkidegoan, 2023an, osasun-gastua 8.554 milioi eurokoa izan da, hau da Barne Produktu Gordinaren %9,2 (biztanleko 3.882 euro), aitzineko urtean baino %5,4 gehiago.

Donostiako etxebizitzaren metro karratuaren batezbesteko prezioa berriro igan da, 5.613 eurora heltzen da, %4,6 iazko igoerarekin konparatuta, Gipuzkoako etxebizitza garestiena da.

Lurralde osoan, metro karratuko prezioak ere gora egin du, %0,5 uztailetik irailera. Urtebeteko tasak, gainera, %2,2 gora egin du eta 3.496 euroko batezbestekoan kokatu da.

Higiezinen negozioari dagokionez, Gipuzkoan hirugarren hiruhilekoan 1.971 salerosketa izan dira, bigarren eskuko 1.760 etxe eta 211 berri. Aurreko hiru hilabeteekin konparatuta %31,6ko igoera eta iazko aldi horretan baino %8,5 gehiagokoa da. Uztailetik irailera Donostian 489 salerosketa kontatu dira (%44,7).

Bestalde, merkatu librean etxebizitza bat alokatzeak batez beste Euskal Autonomia Erkidegoan 754,3 euro balio du hilabetean. Baina alde handiak dira eremuen arabera, 2.500 biztanletik beherako herrietan batez besteko errenta 606 eurokoa da eta hiriburuetan 911,3 eurokoa da. Etxebizitza horien %14,1 Araban dira, Gipuzkoan %36,1 eta Bizkaian %49,8.

Bigarren hiruhilekoan eratutako kontratuen batezbesteko zenbatekoa 807,2 eurokoa izan da, 2023an baino %4,6 gehiago (771,5 euro).

Hiriburuetan, Gasteizen 9.630 etxebizitza dira alokatuta, batezbesteko errenta hilabetean 713,4 eurokoa da. Bilbon 15.426 alokairu-kontratu dira, hilabetero 829 euro. Donostian, alokatu etxebizitza libreak 9.461 dira, batezbesteko prezioa 1.000 eurotik gorakoa da.

Hainbat euskararen aldeko jendarte eragilek osatzen duten Euskalgintzaren Kontseiluak prentsaurrekoa eman du Andoaingo Martin Ugalde Kultur Parkean, “Larrialditik indarraldira” izeneko adierazpena aurkezteko.

Euskalgintzaren Kontseiluak euskara “larrialditik indarraldira” igarotzeko deia egin du, euskararen egunaren atarian kaleratu duen adierazpenaren bitartez. Helburu horrekin, euskararen normalizazioa agenda politiko eta sozialaren erdigunean jartzea eskatu die erakundeei, eragile politiko eta sozialei. 2025 urte hondarreko mobilizazio handi bat iragarri du.

ELEN Europako Hizkuntza Berdintasunerako Sarearen babesarekin azaroaren 9an euskara eta euskaldunak larrialdi linguistikoan daudela adierazi zuela gogorarazi du. Norabide hori aldatzeko euskalgintzak akordio sozio-politikoa eskatu du, 2025a euskararentzat eta euskal hiztunentzat garrantzitsua izanen dela iritzita.

Zentzu horretan, Idurre Eskisabel Larrañaga Euskalgintzaren Kontseilu...