Zangoak Arin

Elkarteak egin du larunbatean aurtengo azken elkarretaratzea bazkari eder batekin Amotzeko Mendionde trinketeko jatetxean. 60 bat korrikari beren lagunekin baziren etorriak egun goxo baten pasatzerat denak elkarrekin, jateko onak eta ongi zerbitzatuak izan dira. Izigarrizko umore onean bukatu dute beren ateraldia, euskal kantu batzu emanez. Bulegoak denak eskertu ditu eta Jean Granet lehendakariak abisatu du azkeneko elgarretaratzea egin duela lehendakari bezala, 10 urtez egin duela eta orain, gazte batek behar lukeela hartu segida. Ustez, 10 urtez bere kargua ongi ereman duela eta kide guziak, bai eta bulegoa, eskertzen ditu ekarri dioten laguntzarentzat.

Pilota

Trinketean lehen mailan finalerdia: Mariluz Julen – Etcheverry Unai galtzaile 28-40 Urruñako Cigarroa Christophe – Lazcano Mathieuren kontra. Gazteak: Heredia Unai – Berasategui Unai galtzaile 27-40 Alduntzin Kaiet – Marin Imaz Enekoren kontra. Gaztetxoak: Larrañaga Ekhi – Saint Martin Andoni galtzaile 38-40 Kapito Harriren kontra. Lafitte Unai – Berasateguy Eñaut galtzaile 22-40 kanboarren kontra. Kimuak: Babace Leizagoien Oihane – Zabaleta Orhi irabazle 40-37 Noizbait-en kontra. Goyeneche Mikel – Sanjurjo Behoteguy Jon galtzaile 24-40 Noizbait-en kontra. Berasategi Andde – Lafitte Julen galtzaile 26-40 Atzarriren kontra. Lopes Kepa – Jauregui Peio irabazle 40-37 Oztibartarren kontra.